ზლატანი, აფელაი და გვარდიოლას კიდევ 4 წარუმატებელი ტრანსფერი „ბარსელონაში“

ჟოსეპ გვარდიოლა, რომ კატალონიის “ბარსელონას” ისტორიაში “ოქროს ასოებით” ჩაიწერა და კლუბში წარუშლელი კვალი დატოვა ამაში ეჭვი დღესაც არავის ეპარება. ესპანელმა სპეციალისტმა 2008-2012 წლებში “ბლაუგრანას” გულშემატკივარს ბევრი ლამაზი მომენტი აჩუქა.. 

თუმცა მისი მოღვაწეობის პერიოდში იყო წარუმატებლობებიც, მაგალითად 6 წარუმატებელი ტრანსფერი: 

6. იბრაჰიმ აფელაი (2011-2015):  პერსპექტიული “ბიჭუნა”, რომელმაც “ბარსელონაში” სამი სეზონი ითამაშა, ჩაატარა 35 შეხვედრა და გაიტანა 2 გოლი, მის სანაცვლოდ “ბარსამ” 3 მილიონი ევრო გადაიხადა. 29 წლის აფელაიმ კლუბი 2015 წელს უფასოდ დატოვა და “სტოკ სიტიში” გადავიდა. 

5. დიმიტრი ჩიგრინსკი (2009-2010): უკრაინელი ფეხბურთელის სანაცვლოდ “ბარსელონამ” 25 მილიონი ევრო გადაიხადა, თუმცა ჩიგრინსკიმ კლუბის შემადგენლობაში მხოლოდ 14 შეხვედრა ჩაატარა. 

4. მარტინ “გაუგებრობა” კასერესი (2008-2011): პეპ გვარდიოლას მხოლოდ 23 შეხვედრა დასჭირდა იმისათვის რათა გაეგო, რომ ეს ფეხბურთელი “ბარსას” არ სჭირდებოდა მის სანაცვლოდ 16.5 მილიონი ევრო დაიხარჯა. 

3. ალექსანდრ გლები (2008-2012): “ბარსელონამ” ბელორუსი ფეხბურთელის სანაცვლოდ 17 მილიონი ევრო გადაიხადა, მან კლუბში 36 მატჩი ჩაატარა, თუმცა “ბარსელონა” უფასოდ დატოვა. 

2. კეირისონი (2009-2014): ფეხბურთელი “ბარსელონაში” 2009 წელს 14 მილიონი ევროს სანაცვლოდ გადავიდა და კლუბი 2014 წელს დატოვა, მას არცერთი შეხვედრა არ ჩაუტარებია “ბარსას” მაისურით. 

1. ზლატან იბრაჰიმოვიჩი (2009-2011): გაუგებარია, როდესაც ატარებ 45 შეხვედრას კლუბის მაისურით, შენს სანაცვლოდ თითქმის 70 მილიონ ევროს იხდიან, 22 გოლი კი ვერ გშველის…