ჰანსი ფლიკის “ბარსელონას” შეჩერება შეუძლებელია. მაშინაც კი, როდესაც მეტოქე ანგარიშს ხსნის, ეს გუნდი ფარ-ხმალს არასდროს ყრის. სამშაბათს სტამბოლში “გალათასარაისთან” მოპოვებული გამარჯვება (4-1) “ბლაუგრანას” გამორჩეული მებრძოლი სულის მორიგი ნათელი დემონსტრაცია იყო: კატალონიელებმა გერმანელი დამრიგებლის ეპოქაში რიგით მე-20 ქამბექი შეასრულეს.
მარცხთან შეურიგებლობა ამ გუნდის მთავარ სავიზიტო ბარათად იქცა. ანგარიშში ჩამორჩენა ფეხბურთელებში პანიკას აღარ იწვევს. ხანდახან იქმნება შთაბეჭდილება, თითქოს “ბარსელონა” მეტოქეს ფორას განგებ აძლევს, რადგან ზუსტად იცის, რომ თამაშს მაინც შემოატრიალებს და თავის სასარგებლოდ დაასრულებს. ამას მშრალი სტატისტიკაც ადასტურებს: ფლიკის ხელმძღვანელობით გუნდმა ბოლო 14 წლის განმავლობაში სეზონში შესრულებული ქამბექების ორი საუკეთესო მაჩვენებელი დააფიქსირა.
უკვე სამი ქამბექი მიმდინარე სეზონში
“ბარსელონამ” 2026/27 წლების სეზონი ფანტასტიკურად დაიწყო და საწყისი ათივე ოფიციალური შეხვედრა მოიგო. აქედან სამ მატჩში გუნდს თამაშის შემოტრიალება დასჭირდა. ბოლო ასეთი შემთხვევა სწორედ “გალათასარაისთან” დაფიქსირდა, სადაც მასპინძელთა საწყისი უპირატესობა კატალონიელებმა მეორე ტაიმში მძლავრი თამაშით სრულად გაანადგურეს.
თამაშის გარდატეხაში გადამწყვეტი როლი პედრიმ, ლამინ იამალმა და როდრიმ ითამაშეს, ხოლო ჟოაუ კანსელუს, ენტონი გორდონის, ფერმინ ლოპესისა და კარიმ ადეიემის გოლებმა 0-1 ჩამორჩენა დამაჯერებელ 4-1 გამარჯვებად გარდაქმნა.
მიმდინარე სეზონში “ბარსელონას” ქამბექის ძალა “რაიო ვალეკანომ” და “სევილიამაც” იწვნიეს. ორივე მეტოქე თავდაპირველად 1-0 იგებდა, თუმცა საბოლოოდ უშანსოდ დამარცხდა: “სპოტიფაი კამპ ნოუზე” მადრიდელებმა 2-5 წააგეს, ხოლო “რამონ სანჩეს პისხუანზე” ანდალუსიელები 1-3 დამარცხდნენ.
ისტორიული სტატისტიკა ფლიკის ეპოქაში
გასულ, 2025/26 წლების სეზონში “ბარსელონამ” ანგარიშში ჩამორჩენის შემდეგ მატჩი 10-ჯერ შემოატრიალა და მოიგო – მსგავსი შედეგი კლუბს მანამდე ბოლო 14 სეზონის განმავლობაში არ ჰქონია.
სიის მეორე საფეხურზეც ჰანსი ფლიკის გუნდია: თავის სადებიუტო, 2024/25 წლების სეზონში გერმანელის შეგირდებმა შვიდი ქამბექი შეასრულეს. მიმდინარე სეზონის სამ შემოტრიალებულ თამაშთან ერთად, ფლიკის ანგარიშზე უკვე 20 ასეთი გამარჯვებაა.
გოლების უწყვეტი ნაკადი, გუნდური შეკრულობა, დაუღალავი მაღალი პრესინგი და სირთულეების დაძლევის რკინისებური ხასიათი – ჰანსი ფლიკის “ბარსელონა” მრავალმხრივი თვისებებით გამოირჩევა, რაც მას მიმდინარე სეზონში ნამდვილად შეუჩერებელ ძალად აქცევს.
სუსტია სიტი ძალიან. ბეტისთან დაასვენოს ბიჭები, ამათ 100% მზად უნდა დავუხვდეთ.
2 წუთში დაუმთავრა პსჟ სიტის თამაში😀
ერთი კაი ცენტრალური მცველი მოუყვანეთ ამ კაცს და ცოტა ხელფასი მოუმატეთ, სათანადოდ უნდა დავაფასოთ. ეჰჰ 2017 წლიდან 2024 წლამდე 7 წელი ხან ფერმერი გვყავდა და ხან ლეგენდის სტატუსით მოყვანილი საბუთიანი 🖕
მოკლედ მხეცი მწვრთნელი გვყავს.