"ჟირონა"-"ბარსას" ამერიკაში გამართვის შანსი მხოლოდ 20% არის
ესპანეთის ფეხბურთელების პროფესიული გაერთიანების პრეზიდენტი დავიდ აგანსო "ჟირონასა" და "ბარსელონას" დაპირისპირების გამართვის შანსს მხოლოდ 20%-ით აფასებს.
ცნობილია, რომ ლა ლიგა გეგმავს იანვარში გასამართი დაპირისპირება ამერიკის შეერთებულ შტატებში ჩაატაროს. "ჟირონასა" და "ბარსელონას" ხელმძღვანელი პირები თანახმანი არიან, მაგრამ ყველა დანარჩენი ამის წინააღმდეგია - ესპანეთის ფეხბურთის ფედერაცია, ქვეყნის პრემიერ მინისტრი, FIFA, ესპანეთის ფეხბურთელების პროფესიული გაერთიანება და როგორც ჩანს, თავად ფეხბურთელებიც.
მორიგი შეხვედრის შემდეგ, პროფესიული გაერთიანების ხელმძღვანელი ასეთ განცხადებას აკეთებს: "ჟირონასა" და "ბარსელონას" დაპირისპირების მაიამიში გამართვის შანსი 20% არის. სპორტში, მთავარი მოქმედი პირები ფეხბურთელები არიან და მათი გაფიცვა არ უნდა გამოვრიცხოთ.
იმ ინფორმაციის გათვალისწინებით, რომელიც ჩვენ გვაქვს, ფეხბურთელებს შეერთებულ შტატებში გამგზავრება არ შეუძლიათ." - აცხადებს დავიდ აგანსო.
ესპანეთის ფეხბურთელთა პროფესიულმა გაერთიანებამ ოფიციალური განცხადება გაავრცელა, სადაც ის თამაშის ამერიკაში გამართვის წინააღმდეგ გამოდის. ორგანიზაციის თქმით, ეს ეწინააღმდეგება არაერთ ნორმას, მათ შორის, თამაშის დროების დადგენისთვის განსაზღვრულ წესს. გარდა ამისა, ორგანიზაციის აზრით, ეს აზრი ფეხბურთელებთან გაფორმებული შრომით ხელშეკრულებებსაც ეწინააღმდეგება.
ამ სიახლეზე კომენტარები გათიშულია.
კომენტარები [ 3 ]