FIFA "ჟირონა"-"ბარსელონას" მატჩის ამერიკაში გამართვის წინააღმდეგია

მსოფლიო ფეხბურთის მმართველი ორგანო, FIFA, ესპანეთის ჩემპიონატის 21-ე ტურის, "ჟირონა"-"ბარსელონას" თამაშის ამერიკის შეერთებულ შტატებში ჩატარების წინააღმდეგია, რაზეც განცხადება ფედერაციის პრეზიდენტმა, ჯანი ინფანტინომ გააკეთა.

"FIFA ამ თამაშის არსად ჩატარების ნებართვას არ გასცემს, გარდა "ჟირონას" სტადიონისა. ეროვნული ჩემპიონატის მატჩები ქვეყნის ფარგლებში უნდა გაიმართოს. FIFA ამ შეხვედრის ნებისმიერ სხვა ქვეყანაში ჩატარების წინააღმდეგია, გარდა ესპანეთისა." - ციტირებს ინფანტინოს სიტყვებს AS.

"ჟირონასა" და "ბარსელონას" შორის გასამართი მატჩი 27 იანვარსაა დაგეგმილი. ლა ლიგის ხელმძღვანელობა თანახმაა, რომ ეს შეხვედრა მაიამიში ჩატარდეს.