მესიმ ზედიზედ 6 უგოლო თამაში 2010 წლის შემდეგ პირველად ჩაატარა

"ვალენსიასთან" გუშინ გამართული შეხვედრა, ლიონელ მესისთვის, ზედიზედ მე-6 იყო, რომელშიც არგენტინელმა ფეხბურთელმა გოლის გატანა ვერ მოახერხა. ასეთი რამ ბოლო 7 წლის განმავლობაში პირველად მოხდა.

მესიმ გოლი "ბარსელონას" ბოლო 5 და არგენტინის ნაკრების ერთ თამაშში ვერ გაიტანა. ბოლოს ასეთი შემთხვევა 2010 წლის ზაფხულში იყო დაფიქსირებული, როდესაც ლეოს 7-მატჩიანი უგოლო სერია ჰქონდა, აქედან 6 შეხვედრა კი ეროვნულ ნაკრებზე მოდიოდა.