ორი წინაპირობა ფელიშის დასარჩენად
ჟოაუ ფელიშის იჯარა მიმდინარე სეზონის ბოლოს სრულდება. ამის შემდეგ ფეხბურთელი "ატლეტიკოს" უნდა დაუბრუნდეს.
Diario Sport იტყობინება, რომ ჩავი ერნანდესი ფეხბურთელში ბოლომდე დარწმუნებული არაა, რამდენადაც ფელიში ძალიან არასტაბილურია. ამდენად, ესპანელი მწვრთნელი დაჟინებით არ ითხოვს პორტუგალიელის შენარჩუნებას.
ფაქტობრივად, ჩავის ნიკო უილიამსის ან დანი ოლმოს შეძენა ურჩევნია. მიუხედავად ამისა, ჟოაუ, შესაძლოა, დარჩეს, თუ კატალონიელები ამ ფეხბურთელების გადაბირებას ვერ მოახერხებენ.
პორტუგალიელის დარჩენის მეორე წინაპირობა ისაა, რომ "ატლეტიკო" განმეორებით იჯარას უნდა დასთანხმდეს. "ბლაუგრანას" საკმარისი ფინანსური რესურსი არ გააჩნია, რომ მადრიდელთა მოთხოვნა (60 მილიონი ევრო) დააკმაყოფილოს.
ლა ლიგის მიმდინარე სეზონში ჩატარებულ 27 შეხვედრაში ჟოაუ ფელიშმა 7 გოლი გაიტანა და 3 საგოლე პასიც გააკეთა.
ამ სიახლეზე კომენტარები გათიშულია.
კომენტარები [ 5 ]