ლა ლიგის მე-3 ადგილზე დამთავრება 10 მილიონის დაკარგვის ტოლფასია
როგორც ჩანს, ლა ლიგის არა მე-2, არამედ მე-3 პოზიციაზე დასრულება "ბარსელონას" მრავალი თვალსაზრისით დააზარალებს.
გარდა იმისა, რომ მე-2 ადგილის დაკარგვით კლუბი ესპანეთის სუპერ თასის საგზურს გაანიავებს, სათქმელია ისიც, რომ მესამე პოზიციაზე გასვლა "ბარსელონას" დამატებით 7 მილიონი ევროს გარეშე დატოვებს, საქმე კი სატელევიზიო უფლებებს ეხება.
RAC1-ის გავრცელებული ინფორმაციის თანახმად, ესპანეთის ჩემპიონატის მე-2 ადგილზე დასრულებას კლუბებისთვის დამატებით ფინანსური მოგება მოაქვს, რაც, როგორც ვთქვით, მედიამაუწყებლობის უფლებებთანაა კავშირში.
შეგახსენებთ, რომ ესპანეთის სუპერ თასის მოგებით კლუბს რამდენიმე მილიონის მიღება შეუძლია. შესაბამისად, თუ ჩავი გუნდს მეორე ადგილზე ვერ გაიყვანს, მაშინ "ბარსელონა" პოტენციურ 10 მილიონ ევროს (სულ მცირე) დაკარგავს, რაც დღევანდელ რეალობაში საზაფხულო ტრანსფერებისთვის საკმაოდ მნიშვნელოვანი დანაკლისი იქნება.
ამ სიახლეზე კომენტარები გათიშულია.
კომენტარები [ 16 ]