ჩავი სიმონსს ბარსელონაში დაბრუნება სურს
Mundo Deportivo-ს ინფორმაციით, ჩავი სიმონსს ბარსელონაში დაბრუნება სურს. პსჟ-სთან გაფორმებული კონტრაქტის ერთ-ერთი პუნქტის მიხედვით, მას უფლება აქვს, აირჩიოს კლუბი, რომელშიც იჯარით წავა, და ნიდერლანდელმა ყოფილი გუნდი აირჩია.
პარი სენ-ჟერმენი ჩავის €100 მილიონზე ნაკლებად არ გაყიდის, ამიტომ ბარსა იმედოვნებს, რომ მას იჯარით აიყვანს. სიმონსის დაბრუნებას ხელი, შესაძლოა, იმანაც შეუწყოს, რომ ბარსელონას მწვრთნელი ჩავი ერნანდესია - ნიდერლანდელის მამა ლეგენდარულ ფეხბურთელს იმდენად აფასებდა, რომ საკუთარ შვილს მისი სახელი დაარქვა.
კატალონიური გამოცემის ინფორმაციით, ჩავი სიმონსი და თავისი აგენტი მალე პსჟ-ის პრეზიდენტ ნასერ ალ ხელაიფის შეხვდებიან, რათა ბარსელონაში გადასვლის ვარიანტი განიხილონ.
ჩავი სიმონსი 2010-2019 წლებში "ლა მასიაში" ირიცხებოდა, თუმცა შემდეგ ბარსელონას დატოვება გადაწყვიტა და პარი სენ-ჟერმენს შეუერთდა. ამჟამად იგი პარიზული კლუბიდან იჯარით გერმანულ ლაიფციგში ასპარეზობს. 21 წლის შემტევი ნახევარმცველი ბუნდესლიგაში შესანიშნავ სეზონს ატარებს და ბარსაში მისი დაბრუნება შედეგიანი უნდა იყოს.
ამ სიახლეზე კომენტარები გათიშულია.
კომენტარები [ 16 ]