ლაპორტას უარი თუ თანხმობა | მოურინიო ბარსელონას დაუკავშირეს
დღევანდელი გადმოსახედიდან უცნაურად ჟღერს, მაგრამ წლების წინ, სანამ პეპ გვარდიოლა "ბარსელონას" მწვრთნელი გახდებოდა, მის ალტერნატივას ჟოზე მოურინიო წარმოადგენდა, რომელთანაც პოტენციური თანამშრომლობის შანსები 2024 წელსაც არსებობს.
60 წლის პორტუგალიელი სპეციალისტი "რომამ" გუშინ, 16 იანვარს თანამდებობიდან ოფიციალურად დაითხოვა. მიუხედავად იმისა, რომ რომაელებმა ჟოზესთან ერთად კონფერენს ლიგა მოიგეს, მათი პრიორიტეტი ჩემპიონთა ლიგის ზონაში მოხვედრა იყო, რაც მოურინიოს არ გამოუვიდა და იტალიურ კლუბს დაემშვიდობა.
ცხადია, წარსულში დაგროვილი გამოცდილებიდან გამომდინარე, ჟოზე მოურინიოს "ბარსელონას" დამრიგებლის როლში ხილვა ნაკლებად სავარაუდოა, თუმცა ამ ორ მხარეს შორის არსებულ შესაძლო კავშირზე მაინც აქტიურად იწერება.
- დაწერა Barcablaugranes-მა, რომელიც იქვე ამბობს, რომ კლუბისა და მოურინიოს პოტენციური გადაკვეთის შესახებ ავთენტური წყაროს ინფორმაცია არ მოიპოვება, თუმცა თეორიის დონეზე, ამ ორ მხარეს შორის ბმა მაინც არსებობს.
შეგახსენებთ, რომ 2008 წელს ჟოან ლაპორტამ მოურინიო უარით ერთხელ უკვე გაისტუმრა, თუმცა რა იქნება 2024 წელს, ამას მხოლოდ დრო გვიჩვენებს.
ამ სიახლეზე კომენტარები გათიშულია.
კომენტარები [ 32 ]