ერთდღიანი დასვენების შემდეგ “ბარსელონა” ვარჯიშს დაუბრუნდა და გუნდი უკვე მომდევნო შეხვედრისთვის ემზადება. კატალონიელები კვირას გასამართი მატჩისთვის ემზადებიან, რომელშიც “სევილია” ესტუმრება “სპოტიფაი კამპ ნოუს”. ეს შეხვედრა ლა ლიგის 28-ე ტურის ფარგლებში გაიმართება და ლიდერი “ბარსელონასთვის” კიდევ ერთი მნიშვნელოვანი გამოცდა იქნება.
ხუთშაბათის ვარჯიში “სიუტატ ესპორტივაზე” გაიმართა. მთავარ მწვრთნელს, ჰანსი ფლიკს თითქმის ყველა ხელმისაწვდომი ფეხბურთელი ჰყავდა, გარდა ლამინ იამალისა, რომელმაც მცირე დისკომფორტის გამო ვარჯიში გამოტოვა.
ძირითადი გუნდის ფეხბურთელებთან ერთად ივარჯიშეს დუბლების წარმომადგენლებმაც – ედერ ალერმა, ტომიმ, ალვარო კორტესმა და პირველი გუნდის ახალმა დებიუტანტმა, ჩავი ესპარტმაც.
ეს ვარჯიში სამი სავარჯიშო დღის სერიის დასაწყისი იყო, რომლის განმავლობაშიც “ბარსელონა” საბოლოოდ მოემზადება “სევილიასთან” ლა ლიგის მნიშვნელოვანი დაპირისპირებისთვის.
იმედია უბრალოდ ასვენებენ
იმედია რამე სერიოზული არ ჭირს.
დაისვენებენ, სევილია არაა ფორმაში, მაგრამ აქ იგიჟებს ხოლმე თავს;
2-3 კაცის დასვენება შეიძლება, რუნი დააყენოს იქნება ფლანგზე;
რეალი გავა დიდი ალბათობით 1/4 ფინალში; კარგი ისაა, რომ ეტიჰადზე პეპი დატრიალებას ეცდება და მერე ატლეტიკო უწევს;
მერე კი ლიგაზე მშიერი, გაახალგაზრდავებული და კაი ფორმაში მყოფი ბაიერნი
წესით რეალის გადაწვაა მოსალოდნელი ისედაც გრძელი სკამის ხარჯზე გაქაჩა და ნახევარი დალწეილია
რაში დადგება ესეიგი
თურმე არ ყოფილა გადაღლილი გუნდი. იამალს დისკომფორტი აქვს და გუნდი არაა გადაღლილი. ბერნალი დაღლილობის გამო შეცვალეს და არც მაშინაა გადაღლილი გუნდი. პედრიც დაღლილობის გამო შეცვალეს და არც ახლაა გადაღლილი გუნდი.