ჟოან გარსიას სამორას ჯილდოს მოგების მთავარი კანდიდატია

“ბარსელონას” მეკარე ჟოან გარსია შესანიშნავ ფორმაშია. მთავარი მწვრთნელი ჰანსი ფლიკი მატჩისწინა პრესკონფერენციაზე ძალიან მკაფიო იყო: “ჟოან გარსია ითამაშებს” – რაც ნიშნავს, რომ მეკარეს კიდევ ერთი შანსი ექნება გაიმყაროს პოზიციები სამორას ჯილდოსთვის ბრძოლაში (ლა ლიგის სეზონის საუკეთესო მეკარის ჯილდო). 

მარცხენა ფეხის კუნთის მცირე პრობლემა, რომელმაც ის “ნიუკასლთან” მატჩში 83-ე წუთზე შეცვლა აიძულა, სერიოზული არ აღმოჩნდა. ახლა ის მზადაა კიდევ ერთი მატჩისთვის და სურს, რომ კარი მშრალად შეინახოს, სანამ პირველად შეუერთდება ესპანეთის ეროვნულ ნაკრებს.

სამორას ჯილდოს მოსაპოვებლად მას ლა ლიგაში მინიმუმ 28 მატჩში მონაწილეობა სჭირდება. ამჟამად 22 შეხვედრა აქვს ჩატარებული, ამიტომ კიდევ 6 თამაში უნდა ითამაშოს დარჩენილი 10 ტურიდან. თუმცა, მისი სტატისტიკა უკვე საუკეთესოა – საშუალოდ 0.77 გაშვებული გოლი მატჩში (17 გოლი 22 თამაშში).

მისი მთავარი კონკურენტები არიან:

• ტიბო კურტუა – 0.86 გაშვეული გოლი საშუალოდ (28 მატჩი)
• იან ობლაკი – 0.96 გაშვეული გოლი საშუალოდ (26 მატჩი) 

გარდა ამისა, “ბარსელონას” მეკარე ლიდერია კარის მშრალად შენახვის მაჩვენებლითაც – 22 მატჩში 11-ჯერ არ გაუშვია გოლი, ანუ ყოველ მეორე თამაშში ინარჩუნებს კარს მშრალად.

საინტერესოა, რომ იმ პერიოდში, როცა ვოიცეხ შჩესნი მას ცვლიდა (სექტემბრის ბოლოდან ნოემბრის შუა რიცხვებამდე), მან ვერცერთ მატჩში ვერ შეინარჩუნა კარი მშრალად.

მიუხედავად შესანიშნავი სეზონისა, ჟოან გარსია უკმაყოფილო დარჩა ბოლო მატჩის შემდეგ, სადაც “ბარსელონამ” “სევილია” 5-2 დაამარცხა, თავად კი ორი გოლი გაუშვა.