ჰანსი ფლიკის პრესკონფერენცია ოვიედოსთან შეხვედრის წინ

“ოვიედო” გაბედული გუნდია, რომელიც ყოველთვის წინ მიიწევს, მაგრამ ჩემთვის ყველაზე მნიშვნელოვანი “ბარსა” და თითოეულ თამაშში ინტენსივობაა. ბოლო 3 მატჩში კარგად ვითამაშეთ. ვარჯიშებზე თავდაჯერებულობა იზრდება. ასე უნდა გავაგრძელოთ.

გავის წინ ხანგრძლივი კარიერა აქვს და ეს უნდა გვახსოვდეს. ის გულიანი მოთამაშეა, რომელიც ფეხბურთის ვნებით ცხოვრობს. მის დაბრუნებას მოუთმენლად ველით. გავის ყველა ჩვენგანის მხარდაჭერა აქვს.

ლამინ იამალი დაბრუნებასთან ახლოსაა. ის კარგ ფორმაშია.

იამალისთვის “ოქრის ბურთის” დაჯილდოებაზე მე-2 ადგილის დაკავება მოტივაციაა და ის ამას პოზიტიურად აღიქვამს. ლამინს “ოქროს ბურთის” მოგების შანსები ექნება.

პედრი ახლა საოცარ დონეზე იმყოფება. ასევე დე იონგიც.

ბევრს ნიშნავს, როცა ისეთი ფეხბურთელი, როგორიც პოლ სქოულზი იყო, პედრის აქებს. ჩემთვის ეს ძალიან მნიშვნელოვანია. ის ფრენკისთან ერთად საოცარ დონეზეა. ხარისხი, რასაც ვარჯიშებზე ვხედავ, ძალიან მახარებს.

ბალდე ხვალ განაცხადში არ იქნება. ველით, რომ ის “რეალ სოსიედადთან” დაბრუნდება.

პედრის მე-11 ადგილი “ოქროს ბურთის” გათამაშებაში? ამაზე კამათი შეიძლება. შესაძლოა, ყურადღება უფრო თავდამსხმელებზეა გამახვილებული. თუმცა, როდესაც პოლ სქოულზის დონის მოთამაშე პედრის აქებს, ბევრს ნიშნავს. ის შესანიშნავი ნახევარმცველი იყო და იცის, რას ამბობს.

მარკ ბერნალთან დაკავშირებით გარისკვა არ გვინდა. არ ვფიქრობდით, რომ მისი “ნიუკასლთან” თამაში სწორი იქნებოდა. რა თქმა უნდა, არც “ხეტაფეს” წინააღმდეგ. წინ ნაბიჯ-ნაბიჯ მივიწევთ.

“რეალ მადრიდმა” ძალიან კარგად დაიწყო. შესაძლოა, წელს ლა ლიგის მოგება გასულ სეზონთან შედარებით უფრო რთულია, მაგრამ საკუთარ თავზე უნდა ვიყოთ კონცენტრირებულები.

სოციალური ქსელებისგან შორს ვარ, მაგრამ “ბარსას” ნებისმიერ გულშემატკივარს შეუძლია ნახოს, რამდენად მნიშვნელოვანი მოთამაშეა დე იონგი, რომელიც ძალიან გვეხმარება. კლუბში საპირისპიროს არავინ ფიქრობს.

თუ ვინმეს შეუძლია, ასეთ რთულ სიტუაციას გაუმკლავდეს და წარმატებით დაძლიოს, ეს გავია.

“ოქროს ბურთის” ცერემონიის გამოცდილება? გულწრფელად რომ ვთქვა, ასეთი ღონისძიებების დიდი გულშემატკივარი არ ვარ, მაგრამ ეს ჩემი სამსახურის ნაწილია. დაჯილდოებას ამიტომ დავესწარი. მქონდა შესაძლებლობა, შევხვედროდი ისეთ შესანიშნავ ფეხბურთელებს, როგორებიც ლოთარ მათეუსი და სხვები არიან. მათ ჩვენი გუნდის მიმართ აღფრთოვანება გამოხატეს, რაც ნამდვილად სასიამოვნო მოსასმენია. ჩვენი საქმისადმი ნდობა აუცილებელია. ჩემი გუნდით ვამაყობ.