ბარსელონას ლეგენდა შესაძლოა ალ აჰლის მწვრთნელად დაინიშნოს

უკვე ერთი წელია გასული მას შემდეგ, რაც ჩავი ერნანდესი “ბარსელონადან” დაითხოვეს და ახლა ის სამწვრთნელო ასპარეზზე დაბრუნებას განიხილავს. 45 წლის მწვრთნელმა გადაწყვეტილება მიიღო, ერთწლიანი შესვენება აეღო სამსახურიდან გათავისუფლების შემდეგ და ეს პერიოდი პრაქტიკულად დასრულებულია.

ახალი თავგადასავალი?

ამ ეტაპზე ჩავი იწყებს შემდეგი გუნდის შერჩევაზე ფიქრს. ბოლო 12 თვის განმავლობაში ის რამდენიმე ევროპულ და აზიურ კლუბს დაუკავშირეს, მათ შორის, იყვნენ “მანჩესტერ იუნაიტედი”, “იუვენტუსი” და “აიაქსი”, თუმცა ახლა მისი მომავალი შესაძლოა იმ რეგიონში გაგრძელდეს, რომელიც მისთვის კარგად ნაცნობია.

“ალ აჰლის” ინტერესი

The Athletic-ის ცნობით, საუდის არაბეთის პროლიგის კლუბი “ალ აჰლი” ჩავის მწვრთნელად დანიშვნის შესაძლებლობას განიხილავს. ჩავის პირველი სამწვრთნელო გამოცდილება კატარში, “ალ სადში” ჰქონდა და ახლო აღმოსავლეთში დაბრუნება მის კარიერაში ლოგიკური გაგრძელება შეიძლება იყოს. ამჟამად “ალ აჰლის” ხელმძღვანელობს მატიას იასლე, თუმცა მას უკავშირებენ “ლაიფციგის” პოტენციურ თავკაცობას. თუ იასლე კლუბს დატოვებს, ჩავი ერთ-ერთი მთავარი კანდიდატი იქნება მის შემცვლელად, თუმცა კონკურენცია დიდი იქნება, მათ შორის, არის “ტოტენჰემის” ყოფილი მწვრთნელი ანჟე პოსტეკოღლუ.

ძველი ნაცნობების შესაძლო შეხვედრა

თუ ჩავი მართლაც გადავა “ალ აჰლიში”, ის ისევ იმუშავებს ფრანკ კესიესთან ერთად, რომელიც მას “ბარსელონაში” ჰყავდა, თუმცა მიუხედავად ამ ფაქტორებისა, სავარაუდოა, რომ ჩავი ისევ ევოპაში დარჩენას ამჯობინებს.

მომავლის მოლოდინში

ჯერჯერობით გაურკვეველია, თუ რომელ კლუბში გააგრძელებს ჩავი საქმიანობას. ცნობილია მხოლოდ ის, რომ ის მზადაა დაელოდოს სწორ შესაძლებლობას – ამიტომაც არსებობს ვარიანტი, რომ ის 2026 წლის დასაწყისამდე არ დაბრუნდეს საქმეში. რაც არ უნდა მოხდეს, საინტერესო იქნება ჩავის საბოლოო არჩევანი, როცა დაბრუნების დრო დადგება.