ოფიციალურად: ლამინ იამალი ლა ლიგის სეზონის საუკეთესო U23 მოთამაშეა

ჰანსი ფლიკის ლა ლიგის 2024/25 წლების სეზონის საუკეთესო მწვრთნელად დასახელებიდან რამდენიმე დღის შემდეგ კიდევ ერთი ჯილდო აღმოჩნდა კატალონიური კლუბის ყულაბაში – ამჯერად ახალგაზრდა გარემარბმა, ლამინ იამალმა მოიპოვა სეზონის საუკეთესო U23 ფეხბურთელის ჯილდო.

ფანტასტიკურმა თინეიჯერმა ეს აღიარება მოიპოვა გამორჩეული სეზონის შემდეგ, სადაც მისმა გოლებმა და საგოლე გადაცემებმა ბარსელონას საჩემპიონო რბოლაში გადამწყვეტი როლი ითამაშა.

ესპანეთის ნაკრების ამომავალი ვარსკვლავი ერთ-ერთი გამორჩეული ფიგურა იყო არა მხოლოდ “ბარსელონაში”, არამედ მთლიანად ლა ლიგაში – მისი ტექნიკა მოედანზე და თამაშზე გავლენა კატალონიური კლუბის გულშემატკივრებისთვის შთამბეჭდავი სანახაობა აღმოჩნდა.

ჩემპიონის სტატისტიკა

ლამინ იამალმა 2024/25 წლების ლა ლიგის სეზონი დაასრულა 9 გოლითა და 13 საგოლე გადაცემით – რაც მას ჩემპიონატში სეზონის საუკეთესო ასისტენტად აქცევს.

“La Masia”-ს ნიჭიერმა აღზრდილმა ასევე მოიგო U23 თვის საუკეთესო მოთამაშის ჯილდო ორჯერ, აგვისტოსა და თებერვალში. ამ მაჩვენებლით ის გაუთანაბრდა “ლას პალმასის” ფორვარდ ფაბიო სილვას, როგორც ყველაზე მეტი მოგებული თვის ჯილდოს მქონე ფეხბურთელი. აგრეთვე, იამალი დასახელდა ლა ლიგის თვის საუკეთესო მოთამაშედ სექტემბერში – რაც კიდევ ერთი უტყუარი ფაქტია მისი სტაბილური და შედეგზე ორიენტირებული თამაშისა.

კონკურენტების ჩამონათვალი

ლამინ იამალმა დაამარცხა ისეთი მაღალი დონის კონკურენტები, როგორებიც არიან:

• ფაბიო სილვა (ლას პალმასი)

• დიეგო ლოპესი (ვალენსია)

• ჯუდ ბელინგემი (რეალ მადრიდი)

• არდა გიულერი (რეალ მადრიდი)

• პედრი (ბარსელონა)

• ალბერტო მოლეირო (ლას პალმასი)

გილოცავთ ლამინ იამალს – მომავლის ვარსკვლავს, რომელიც უკვე კაშკაშებს!
ბარსას მაისურით მოთამაშე 17 წლის ტალანტმა კიდევ ერთხელ დაამტკიცა, რომ კლუბს სერიოზული ძალა ჰყავს ახალი ოქროს თაობიდან.