ჰანსი ფლიკის პრესკონფერენცია ელ კლასიკოს წინ

ხვალ “რეალ მადრიდის” წინააღმდეგ ფინალი გვაქვს. ვფიქრობ, სტადიონი აბსოლუტურად ფანტასტიკურია. ხვალინდელი თამაშით უნდა ვისიამოვნოთ.

რა თქმა უნდა, მოედანზე ყველაფერი უნდა გავაკეთოთ. ამისთვის ვიბრძვით, როგორც სეზონის დასაწყისში ვთქვი. გვინდა, ყველა ტიტულისთვის ვიბრძოლოთ.

გვაქვს შანსი, მოვიგოთ სამი ტიტული და ჩვენი მიზანი ესაა. ვიცით, რომ ეს რთულია, რადგან ვეთამაშებით “რეალ მადრიდს”, რომელსაც შესანიშნავი გუნდი ჰყავს.

ძალიან ახალგაზრდული გუნდი გვყავს და ამ ფინალში მსოფლიოს ერთ-ერთი საუკეთესო გუნდის წინააღმდეგ თამაში დიდი გამოცდილება იქნება.

ფინალი განსხვავებულია. საქმე იმაში არაა, რომელი გუნდია ფავორიტი. გვინდა, ვითამაშოთ და ტიტულისთვის ვიბრძოლოთ.

როდესაც ვხედავ, როგორ ვარჯიშობს გუნდი, როგორ ცდილობს და როგორი კონცენტრირებულია, ეს თავდაჯერებულობას მმატებს. ეს საშუალებას მაძლევს, მჯეროდეს ამ მოთამაშეების. მათ ვენდობი.

“რეალ მადრიდის” ზეწოლა მსაჯებზე? არ ვიცი, რა ვთქვა. ჩემთვის ეს სპორტია, თამაში, ფეხბურთი, მეტი არაფერი. არ ვფიქრობ, რომ ეს სწორია. თამაშის შემდეგ ყველაფერი უკან უნდა მოვიტოვოთ.

იამალი 17 წლის ასაკშიც კი საოცარი ფეხბურთელია. ვფიქრობ, ის ხვალ მზად იქნება.

ტორესი 9-იანის პოზიციაზე? მან აჩვენა, რომ 9 ნომრად თამაში შესანიშნავად შეუძლია. “ბეტისის”, “ვალენსიას” წინააღმდეგ… ის ფანტასტიკური იყო. ეს ფერანისთვის იდეალური პოზიციაა. ბედნიერი ვარ, რომ ის გუნდში გვყავს.

ანჩელოტი მეტ რისკს იღებს? ჩემს შემთხვევაშიც ასეა. ფინალის მოგება ორივეს გვინდა. სწორედ ამიტომ ვმუშაობთ მწვრთნელებად. ჩვენი საქმეა, გუნდი კარგად მოვამზადოთ გამარჯვებისთვის და ასევე გულშემატკივრებისთვის.

ვინ ითამაშებს დაცვის მარცხენა ფლანგზე? ხვალ ვნახოთ…

ტაქტიკური გეგმა? ყოველთვის ვამზადებთ გეგმას მატჩის ტიპისა და მეტოქის გათვალისწინებით. მეტი არაფერი. ამჯერადაც ასე იქნება.

ჩემთვის მეტოქის პატივისცემა მნიშვნელოვანია. “რეალ მადრიდი” შესანიშნავი გუნდია, მაგრამ მოგება, ეს ტიტული გვინდა. სხვა რაღაცებზე არ ვსაუბრობთ.