წელს ისტორიაში ერთ-ერთი საუკეთესო სტარტი გვაქვს.
“ბარსელონამ”, “ბეტისის” წინააღმდეგ გამართული გუშინდელი მატჩი (1-1), კალენდარული წლის 22-ე თამაში, წაუგებლად დაასრულა. ეს კატალონიური კლუბის ისტორიაში 2016 წელს დაფიქსირებული საუკეთესო შედეგის გამეორებაა, როდესაც ლუის ენრიკეს გუნდმა სწორედ ამდენივე შეხვედრა დაუმარცხებლად ჩაატარა. ეს ნიშნავს, რომ, თუ “ბლაუგრანა” ოთხშაბათს “დორტმუნდთან” არ წააგებს, კლუბის მორიგი რეკორდის მომსწრენი გავხდებით.
“ბარსას” წელს გამართულ 22 თამაშში 18 მოგება და 4 ფრე აქვს. ჰანსი ფლიკის გუნდთან საყაიმო ანგარიშის დაფიქსირება მხოლოდ “ატალანტამ” (2-2), “ხეტაფემ” (1-1), “ატლეტიკომ” (4-4) და “ბეტისმა” (1-1) მოახერხეს.
აღნიშნული სტატისტიკა კალენდარული წლის დასაწყისიდან ჩატარებულ მატჩებს ეხება, მაგრამ ახლანდელ გუნდს ასევე ისტორიაში ერთ-ერთი საუკეთესო ყველაზე ხანგრძლივი წაუგებელი სერია აქვს.
“ბარსელონას” ისტორიაში ყველაზე ხანგრძლივი დაუმარცხებელი სერიები:
# |
მწვრთნელი |
მატჩი |
სეზონი |
| 1 | ლუის ენრიკე | 39 | 2015/16 |
| 2 | ერნესტო ვალვერდე | 29 | 2017/18 |
| 3 | პეპ გვარდიოლა | 28 | 2010/11 |
| 4 | მარინუს მიხელსი | 27 | 1973/74 |
| 5 | ფრანკ რაიკაარდი | 24 | 2005/06 |
| 6 | ერნესტო ვალვერდე | 23 | 2018/19 |
| 7 | ჰანსი ფლიკი | 22 | 2024/25 |
მე მგონი საერთოდ წაუგებლად უნდა ჩავამთავროთ სეზონი, ამის რესურსი კი ნამდვილად არსებობს. ჩავი ვერ ხედავდა მაგრამ ფლიკმა დაინახა და სწორადაც მიდის. ბოლოსდაბოლოს პირველი სეზონია ხო. გაისად ნამდვილად მოუმატებს.
მუდამ დაუმარცხებლად ჩემო ოცნების გუნდო. :barca-
არაა ხელწამოსაკრავი გუნდი დორტმუნდი და არ მომწონს ეგრე აგდებულად,რომ მოიხსენიებთ ბევრი🙂ლიგის ფინალისტია ბოლო-ბოლო და წელსაც ყველაზე მეტად გაგვიჭირდა დიდი გუნდებიდან მათთან მოგებაა
დორტმუნდთან არცერთი მატჩი არ წავაგოთ და რეკორდზე გაიწევს ფლიკი.
ვისთან უნდა წავაგოთ ვერ ვხვდები. დორტმუნდთან გასვლაზე იქნება რთული და რეალთან კლასიკოა და არავინ იცის რა მოხდება. სხვებთან ქულაც არ უნდა დავკარგოთ ისეთები გვყავს მომდევნო 10 თამაში.