ინიესტას გამოსამშვიდობებელი პრესკონფერენცია

მინდა, მადლობა გადავუხადო ყველას, ვინც აქაა და იმათ, ვისაც დღეს აქ ყოფნა უნდოდათ და ვერ მოახერხეს. ნება მომეცით, დღეს ემოციური ვიყო…

ეს ემოციების, სიამაყის ცრემლებია და არა – მწუხარების. ეს არის ცრემლები ბიჭისა, რომელიც ფეხბურთელობაზე ოცნებობდა და ამას მიაღწია.

“ლა მასიამ” სამუდამოდ შემცვალა… ეს ჩემი ცხოვრების გამორჩეული პერიოდია.

ვგრძნობ, რომ ძალიან ბედნიერი ვარ, რადგან ოცნებები ამიხდა. ჩემი სპორტული კარიერა ზღაპარს ჰგავდა, პროფესიონალურ დონეზე საუკეთესო მომენტები მქონდა.

ჩემთვის “ბარსაში” მოსვლა ოცნება იყო, რომელზეც სრულად ფოკუსირებული ვიყავი. “ბარსელონა” ყველა ოცნების ასასასრულებლად საუკეთესო ადგილია.

მამაჩემი? ფეხბურთში ყველა ჩემი მიღწევა მისი დამსახურებაა.

მიუხედავად იმისა, რომ “ალბასეტეში” პროფესიონალურ დონეზე არასდროს მითამაშია, ჩემთვის ყოველთვის ორი გუნდი იყო – “ალბასეტე” და “ბარსა”.

40 წლის ვარ. ბევრჯერ მისაუბრია და იცით, ჩემთვის ოჯახი რა მნიშვნელოვანია. ოჯახი ჩემი მამოძრავებელი ძალაა.

“ბარსამ” ჩემი ცხოვრება შეცვალა. ჩემთვის “ბარსა” ყველაფერია.

2018 წელს ერთ-ერთი ყველაზე რთული გადაწყვეტილება მივიღე – “ბარსელონა” დავტოვე და იაპონიაში წავედი. ახლა შემიძლია ვთქვა, რომ ეს საოცარი გამოცდილება იყო.

ფეხბურთი ჩემი ცხოვრებაა და ეს ასე გაგრძელდება. სხვადასხვა პროექტზე უკვე დიდი ხანია ვმუშაობთ. უკვე ვიწყებ სამწვრთნელო კურსს და მინდა, ამ მიმართულებით განვვითარდე.

იმედი მაქვს, ფლიკი “ბარსაში” მრავალი წელი იქნება. ეს კლუბისთვის კარგი იქნებოდა. ჰანსი ფანტასტიკურად მუშაობს და ეს ასე გაგრძელდება.

ჩემი ყველაზე ბედნიერი მოგონება “ბარსაში” არის დღე, როდესაც დებიუტი მქონდა.

ჩემი ცხოვრების რაღაც მომენტში “ბარსაში” დაბრუნებას ვისურვებდი.

“ოქროს ბურთი?” ჩავის, მესისა და ჩემი სურათი ამ პრიზის პოდიუმზე არის უფრო დიდი რამ, ვიდრე ის, რომ “ოქროს ბურთი” მომეგო. “ლა მასიას” 3 ფეხბურთელი პოდიუმზე ყველაზე დიდი პრიზია და არა ის, თუ ვინ მოიგო.