ვოიცეხ შესნი მარბელიაში ვარჯიშობს – როდის იქნება პოლონელი სათამაშოდ მზად?

უკვე გადაწყვეტილია, რომ ვოიცეხ შესნი საფეხბურთო კარიერიას განაახლებს და ბარსელონას შეუერთდება, რათა ტრავმირებული მარკ-ანდრე ტერ შტეგენი შეცვალოს.

Sport-ის ინფორმაციით, პოლონელი მეკარე ამჟამად მარბელიაში გულმოდგინედ ვარჯიშობს და ფიზიკურ აქტივობას ზრდის. ფეხბურთელს სურს, რომ სამედიცინო შემოწმებას, რომელიც კატალონიაში, ორშაბათსაა ჩანიშნული, მაქსიმალურად მზად და, შეძლებისდაგვარად, საუკეთესო ფორმაში შეხვდეს.

წყაროს ცნობით, შესნი, სავარაუდოდ, სანაკრებო პაუზის შემდეგ, სევილიას წინააღმდეგ 20 ოქტომბერს გასამართი მატჩისთვის მზად იქნება და თამაში შეეძლება.

ვოიცეხი ბარსელონასთან 1-წლიან კონტრაქტს გააფორმებს და ბარსას ისტორიაში მე-2 პოლონელი გახდება. ამ ქვეყნის პირველი წარმომადგენელი, რომელმაც “ბლაუგრანაში” ითამაშა, რობერტ ლევანდოვსკია.

კატალონიურ გრანდს პოლონელის ჩემპიონთა ლიგაზე დარეგისტრირება დაუყოვლებლივ შეეძლება. წესების მიხედვით, თუ კლუბს ტრავმის გამო მინიმუმ 2 მეკარე არ ჰყავს, მისი შემცვლელის დარეგისტრირების უფლება აქვს. “ბლაუგრანას” პირველ გუნდში ამჟამად 2 კიპერია დარეგისტრირებული: ტერ შტეგენი და ინიაკი პენია – ვინაიდან გერმანელი ტრავმირებულია, ბარსას მისი შეცვლა შეუძლია.