“ბარსელონას” შემტევმა რაფინიამ ბრაზილიის ნაკრების მთავარ მწვრთნელ კარლო ანჩელოტისთან გამართული საუბრის შესახებ ისაუბრა და აღიარა, რომ ტრავმის შემდეგ ოპტიმალურ ფიზიკურ ფორმაში ჯერ კიდევ არ იმყოფება.
Mundo Deportivo-ს ცნობით, ბრაზილიელმა ფეხბურთელმა ეს საკითხი “ბარსელონასთან” კონტრაქტის 2030 წლამდე გახანგრძლივების შემდეგ გამართულ პრესკონფერენციაზე განიხილა. მისი თქმით, ანჩელოტისთან ნაკრებში სათამაშო დროის განაწილებაზე უკვე ისაუბრა.
“ანჩელოტიმ, როგორც მწვრთნელმა, იცის, რომ სათამაშო დრო უნდა გადაანაწილოს.”
რაფინიამ განმარტა, რომ ზედმეტი დატვირთვის თავიდან აცილება მნიშვნელოვანია როგორც მისთვის, ისე ბრაზილიის ნაკრებისთვის.
“ტრავმის მიღება არც ბრაზილიისთვის იქნებოდა კარგი, რადგან ახლა საუკეთესო ფიზიკურ ფორმაში არ ვარ. ჩვენ ამაზე ვისაუბრეთ. ტრავმის შემდეგ აღდგენას ვაგრძელებ. თავს ძალიან კარგად ვგრძნობ, თუმცა ჯერ 100%-ით მზად არ ვარ. ბარსელონას გულშემატკივრები ნუ ინერვიულებენ. ყოველთვის მაქსიმუმს ვაკეთებ, რომ კარგ ფიზიკურ ფორმაში ვიყო.”
რაფინიას სანაკრებო პაუზის დროს კიდევ ერთი ხანგრძლივი მოგზაურობა ელის. 9 ნოემბრიდან ის სინგაპურში გაემგზავრება, სადაც ბრაზილიის ნაკრები ორ ამხანაგურ შეხვედრას გამართავს – სინგაპურისა და იაპონიის წინააღმდეგ.
აღსანიშნავია, რომ რაფინიამ წინა ტრავმა სწორედ ბრაზილიის ნაკრებში ყოფნისას, სექტემბერში, ავსტრალიაში გამართული ამხანაგური მატჩების დროს მიიღო.
forum კომენტარები (0)