ჩავის ორი თავდამსხმელის გაშვება არ უნდა
მიმდინარე თვეში "ბარსელონა", შესაძლოა, ორმა თავდამსხმელმა დატოვოს. საუბარი მემფის დეპაისა და პიერ-ემერიკ ობამეიანგზეა.
დეპაის წასვლის მიზეზი სპორტულია, ობამეიანგისა კი - ფინანსური.
ნიდერლანდელი "იუვენტუსთან" თითქმის შეთანხმებულია და მოსალოდნელია, რომ "ბარსა" მას იტალიურ გუნდში უფასოდ გაუშვებს.
ობამეიანგით ლონდონის "ჩელსია" დაინტერესებული, რომელმაც "ბლაუგრანასთან" არაფორმალური მოლაპარაკებები უკვე დაიწყო. გაბონელი ჩავის სამომავლო გეგმებში შედის, მაგრამ "ბარსა" მზადაა, ის დაახლოებით 25 მილიონ ევროდ გაყიდოს, მიღებული თანხა კი ბერნარდუ სილვას ტრანსფერს მოახმაროს.
ჩავის არ მოსწონს იდეა, რომ გუნდმა ორივე თავდამსხმელი გაუშვას, მისთვის პრიორიტეტი კი ობამეიანგის შენარჩუნებაა.
"ბარსელონა" ორივე თავდამსხმელის გაშვების ვარიანტს იმ შემთხვევისთვის განიხილავს, თუ ფრენკი დე იონგი გუნდში დარჩება.
ამ სიახლეზე კომენტარები გათიშულია.
კომენტარები [ 13 ]