AS-ის ინფორმაციით, ბარსელონამ წმენდა თითქმის დაასრულა და გუნდიდან უკვე 14 თანამშრომელი დაითხოვა.
ბარსამ ყველაფერი ჩავი ერნანდესისა და მისი ასისტენტების – სერხიო ალეგრესა და ოსკარ ერნანდესის გათავისუფლებით დაიწყო. ამის შემდეგ კლუბმა 3 სკაუტი გაუშვა – დავიდ პრატსი, ტონი ლობო და სერხიო გარსია.
კატალონიური გრანდის პრეზიდენტი, ჟოან ლაპორტა ასევე ამბობდა, რომ ჩავის ხელში გუნდს ფიზიკური მომზადება აკლდა. შესაბამისად, გუნდიდან ფიზმომზადების სპეციალისტები – ივან ტორესი და კარლოს ნოგეირა დაითხოვა, ისევე, როგორც კომუნიკაციების დირექტორი ედუ პოლო.
ჩამოთვლილთა გარდა, გუნდიდან წასვლა ასევე მოუწიათ ფიზიოთერაპევტებს – ხაუმე მუნილს, ისააკ სერანოსა და ედუ მარტინესს. ბარსელონა დატოვა ექიმმა ჩავი ვალიემაც.
ამასთან, “ბლაუგრანადან” მონაცემთა ანალიზზე მომუშავე ედუ პონსი წავიდა. როგორც ითქვა, ეს უკანასკნელი გუნდიდან პერსონალური მიზეზების გამო წამოვიდა, მაგრამ, სავარაუდოდ, ისიც დაითხოვეს.
მიმდინარე ზაფხულის სატრანსფერო ფანჯარაზე, დიდი ალბათობით, “ლურჯ-ბროწეულისფერები” ფეხბურთელთა სელექციასაც დაიწყებენ – რამდენიმე წავა, რამდენიმე კი მოვა.
აღსანიშნავია, რომ ბარსელონას ახალმა მთავარმა მწვრთნელმა, ჰანსი ფლიკმა თავისი შტაბი დააკომპლექტა. გარდა ამისა, კლუბმა ახალი ფიზიოთერაპევტი დაიქირავა.
გერმანელი მწვრთნელი ახალ გუნდში პირველ ვარჯიშს 10 ივლისს ჩაატარებს, სადებიუტო მატჩი კი 30 ივლისს მანჩესტერ სიტის წინააღმდეგ ელის.
დეკუს რატო არ იშორებენ?
ეს მძორი ლაპორტა როდის უნდა დაითხოვონ…
ფლიკის შტაბი ოფიციალურად ვიცით უკვე?
დეკუც მიაყოლე
ეგ კაია ფიზ მომზადების კამანდა რო დაიქნია
ისიც დაწერეთ, ფლიკმა თავის სამწვრთნელო შტაბში ვინ მოიყვანა, საინტერესოა.
დეკუც მიაყოლეთ და მერე გამოვა ალბათ რამე
რამდენი მუქთამჭამელი ყავდათ, კიდევ როგორ უხდიდნენ ხელფასს საკვირველია. იმედია ფეხბურთელებშიც ასეთ სუფთა წმენდას ჩაატარებენ.
ეგ ყველაფერი წინა ზაფხულს უნდა გაგეკეთებინა და მუქთამჭამელები მოგეცილებინა გუნდიდან!
მიაყოლე ეხლა მაგათ ფეხბურთელებიც – ზოგს სიარულიც რომ ეზარება მინდორზე..