მესის 44-ე – ისტორიაში ყველაზე მეტი ტიტულის მომგები ფეხბურთელი

“ბარსელონას” ლეგენდა ლიონელ მესი გახდა ფეხბურთელი, რომელსაც ყველაზე მეტი ტიტული აქვს მოგებული. ამ წოდებას ის აქამდე ყოფილ თანაგუნდელთან, დანი ალვესთან იყოფდა, ახლა კი ლეო პირველ ადგილს ერთპიროვნულად იკავებს.

მესისთვის კარიერაში 44-ე გუნდური ტიტული “ინტერ მაიამისთან” ერთად ლიგების თასის მოგება გამოდგა. ეს ტურნირი წელს ოფიციალურად პირველად ჩატარდა და შესაბამისად ლეო ისტორიაში პირველი კაპიტანი გახდა, რომელმაც ლიგების თასი მოიგო. ეს არის ტურნირი, რომელშიც ამერიკისა და მექსიკის გუნდები თამაშობენ და ის მოიგო გუნდმა, რომელიც მესის მისვლამდე ამერიკაში ყველაზე ცუდი გუნდი იყო.

აქამდე ამერიკაში საუკეთესო გუნდთან, “ნეშვილთან” გამართულ ფინალში “ინტერ მაიამის” მხრიდან ერთადერთი გოლი ლეო მესიმ გაიტანა. არგენტინელს 7 თამაშში 10 გოლი და 1 საგოლე გადაცემა დაუგროვდა. მან თავი თერთმეტმეტრიანების სერიაშიც გამოიჩინა, ისევე, როგორც სერხიო ბუსკეტსმა და ჟორდი ალბამ.

ლეო მესი ლიგების თასის საუკეთესო ბომბარდირი გახდა და ის საუკეთესო ფეხბურთელადაც დასახელდა.

სერხიო ბუსკეტსისთვის ეს 35-ე ტიტული გამოდგა, ჟორდი ალბასთვის 21-ე, ხოლო “ინტერ მაიამისთვის” – პირველი.

მესის ტიტულები

• მსოფლიო ჩემპიონატი – 1
• კოპა ამერიკა – 1
• ჩემპიონთა ლიგა – 4
• მსოფლიოს საკლუბო ჩემპიონატი – 3
• ესპანეთის ჩემპიონატი – 10
• საფრანგეთის ჩემპიონატი – 2
• უეფას სუპერ თასი – 3
• ესპანეთის თასი – 7
• ესპანეთის სუპერ თასი – 8
• ფინალისიმა – 1
• საფრანგეთის სუპერ თასი – 1
• ლიგების თასი – 1
• ოლიმპიადა – 1
• 20-წლამდელთა მსოფლიო ჩემპიონატი – 1

ბუსკეტსის ტიტულები

• მსოფლიო ჩემპიონატი – 1
• ევროპის ჩემპიონატი – 1
• ჩემპიონთა ლიგა – 3
• მსოფლიოს საკლუბო ჩემპიონატი – 3
• ესპანეთის ჩემპიონატი – 9
• უეფას სუპერ თასი – 3
• ესპანეთის თასი – 7
• ესპანეთის სუპერ თასი – 7

ალბას ტიტულები

• ევროპის ჩემპიონატი – 1
• ჩემპიონთა ლიგა – 1
• მსოფლიოს საკლუბო ჩემპიონატი – 1
• ესპანეთის ჩემპიონატი – 6
• უეფას სუპერ თასი – 1
• ერთა ლიგა – 1
• ესპანეთის თასი – 5
• ესპანეთის სუპერ თასი – 4