ხვალ “ბარსელონა” 2023/24 წლების სეზონში პირველ ოფიციალურ მატჩს “ხეტაფეს” წინააღმდეგ ჩაატარებს.
აღნიშნულ შეხვედრამდე ჩავი ერნანდესმა პრესკონფერენცია გამართა:
რთული მატჩი გველის. მაქსიმალურად უნდა დავიხარჯოთ. გუნდი გავაძლიერეთ და საკმაოდ კარგად გამოვიყურებით.
ანსუთი ბედნიერი ვარ, ის კლუბის მნიშვნელოვანი წევრია, მაგრამ რომელიმე ფეხბურთელის დარჩენის გარანტიას ვერ მოგცემთ.
შემტევი ნახევარმცველი გვჭირდებოდა და გიუნდოგანი შევიძინეთ. ასევე, ფერმინი და ლამინი გვყავს. გარდა ამისა, აბდე დავიბრუნეთ.
კლუბი ფეხბურთელების რეგისტრაციაზე მუშაობს. ვიმედოვნებთ, რლმ ხვალისთვის მათი უმრავლესობა დარეგისტრირებული იქნება.
დემბელე ძალიან დაგვეხმარა. მან წასვლა გადაწყვიტა, რის გამოც იმედგაცრუებულნი ვართ. უსმანი აქ ბედნიერი იყო. ნებისმიერ შემთხვევაში, მას წარმატებებს ვუსურვებ.
ნეიმარი? უკვე ვთქვი, რომ სატრანსფერო ფანჯარა 31 აგვისტომდე ღიაა. ახლა “ხეტაფესთან” მატჩზე ვარ ფოკუსირებული და ტრანსფერებზე არ ვისაუბრებ.
გუშინ ბორდალასის პრესკონფერენციას მოვუსმინე. მან ჩვენს მიმართ პატივისცემა გამოიჩინა.
ხოსეს ვეთანხმები, ფეხბურთი შეიცვალა – ახლა მეტი დუელი და ფიზიკური ბრძოლაა საჭირო, მაგრამ ჩვენი დნმ არ შეცვლილა.
თუ არაფერი შეიცვლება, ვიტორ როკე იანვარში შემოგვიერთდება.
ფერმინ ლოპესითა და ლამინ იამალით ძალიან ბედნიერი ვარ. მათ გუნდის დახმარება შეუძლიათ.
ვფიქრობ, ლამინი მზადაა, სათამაშო დრო მიიღოს. ის ყველაფერს კარგად აკეთებს და ასაკის მიუხედავად, ჭკვიანად მოქმედებს.
არაუხო და კრისტენსენი ხვალ სათამაშოდ მზად არიან. მათ დისკომფორტი აწუხებდათ, მაგრამ თუ ყველაფერი გეგმის მიხედვით წავა, ისინი ითამაშებენ.
მარკოს ალონსო? ვნახოთ. ეს ანსუ ფატის მსგავსი სიტუაციაა.
მატჩი სტარტს ხვალ, 23:30 საათზე აიღებს, პირდაპირი რეპორტაჟის ხილვა კი სილქ სპორტ 1-სა და Setantasports.com-ზე შეგეძლებათ.
ნეიმარი ალ ჰილალში წავიდა.
ნეიმარი არაა ის ვისაც დაეყრდნობი, ტიპს ფეხბურთი კარგახანია რაც კიდია უკვე და როდის დაგაღალატებს ვერ გაიგებ
ნეიმარზე სხვანაირად ბაზრობს უკვე. ფაქტია მუშაობენ ბრაზილიელზე.
კაროჩე თუ ნეიმარი მოვა ფატი ჯობია წავიდეს,იჯარით გავუშვებდი იქნებ სხვაგან გაიხსნას და განვითარდეს