რეფერენდუმის დღე - ჟოან ლაპორტამ გულშემატკივრებს მიმართა

დღეს "ბარსელონასთვის" მნიშვნელოვანი დღეა. კლუბის ოფიციალურ წევრებს (ასეთი სულ 110 ათასია) საშუალება აქვთ, Espai Barca-ს პროექტი დაამტკიცონ, რომელიც გრძელვადიან და ამბიციურ ინფრასტრუქტურულ ცვლილებებს გულისხმობს.

"ბარსას" პრეზიდენტმა, ჟოან ლაპორტამ, ახლახანს საკუთარი პოზიცია ღიად დააფიქსირა და კლუბის წევრებს მისი გაზიარებისკენ მოუწოდა.

მიხარია, რომ კლუბის პრეზიდენტი ვარ იმ დროს, როცა ასეთი რეფერენდუმი ტარდება. ეს დღე ისტორიულია. მე ვუთხარი "კი" "ბარსას", "კი" ამ ინსტიტუციის ყველაზე მნიშვნელოვან პროექტს. "კის" თქმა ნიშნავს იმ კლუბის განვითარებას, რომელსაც ჩვენს გულებში ასეთი მნიშვნელოვანი ადგილი უჭირავს.

- თქვა ლაპორტამ.

ოფიციალური ინფორმაციით, ხმის მიცემის დაწყებიდან 3 საათში არჩევნებზე საკუთარი პოზიცია 18 000-ზე მეტმა ადამიანმა დააფიქსირა, რაც სრული ელექტორატის 17%-ია. მათ შორის უკვე არიან ჩავი ერნანდესი, ჟერარ პიკე, ჟორდი ალბა, რიკი პუჩი და სხვები. ხმის მიცემა ელექტრონულ რეჟიმშიც არის შესაძლებელი.