“ბარსელონას” ყოფილმა ფეხბურთელმა, იაია ტურემ კატალონიური კლუბის გარემო არსებულ საკითხებზე ისაუბრა:
ანდრეს ინიესტა ფენომენალური მოთამაშეა. ყოველდღე მასთან ერთად ვარჯიში უდიდესი ბედნიერება იყო, რადგან ბევრი რამ ვისწავლე. ანდრესი ფიზიკურად განსხვავებული მოთამაშე და ბრწყინვალე ტალანტი იყო.
ინიესტა თამაშზე ფიქრობდა და მისი ინტელექტი ჩემ ყურადღებას იპყრობდა. ეს ფეხბურთში ძალიან მნიშვნელოვანია. ანდრესი თამაშს გრძნობს და იცის, ის როგორ წაიკითხოს.
ლა ლიგა და პრემიერ ლიგა ერთმანეთისგან განსხვავდებიან, მაგრამ ორივე კარგია და რომელიმეს გამორჩევა უცნაური იქნება.
დღეს პრემიერ ლიგა ყველაზე ყურებადი ჩემპიონატია და შეიძლება, ნებისმიერმა გუნდმა მოიგოს, ესპანეთში კი შანსები მხოლოდ “ბარსასა” და “რეალ მადრიდს” აქვთ, ზოგჯერ კი “ატლეტიკოსა” და “ვალენსიასაც”.
კესიეს ვეხმარებოდი, რომ “ბარსას” დონემდე მიეღწია. მას დიდი სათამაშო პრაქტიკა არ აქვს, რადგან კატალონიელთა შემადგენლობა შესანიშნავია – ბუსი, დე იონგი, პედრი, გავი… მაგრამ ფრანკი ბევრს სწავლობს.
“რეალ მადრიდს” ქამბექი ყოველთვის შეუძლია. მათი მენტალიტეტი განსხვავებულია. როცა მადრიდელთა წინააღმდეგ ვთამაშობდი, შთაბეჭდილება მრჩებოდა, რომ მათ მოგება შეეძლოთ.
“რეალ მადრიდს” ყველა უფრთხის, თავად “რეალ მადრიდს” კი “ბარსელონასი” ეშინია.
ვინ მოიგებს “ელ კლასიკოს”? “ბარსელონას” უპირატესობა აქვს. ინტენსიური მატჩი იქნება. არ ვფიქრობ, რომ შეხვედრა 0-0 ან 0-1 დასრულდება.
გვარდიოლას დიდებული ხედვა აქვს და ფეხბურთი შესანიშნავად ესმის. მისი სამწვრთნელო სტილი უცვლელია. ვფიქრობ, ყველა მწვრთნელს უნიკალური ფილოსოფია აქვს და ერთმანეთისგან სწორედ ამით განსხვავდებიან.
აბაა ნეტა იმ ბარსელონას შენი ადგილი რომ კლუბში არ იყო
რატოა სირცხვილი, ძაან კაი ფეხბურთელი იყო, ისე ამაზე მეტი ტიტული აქ მოგებული
სულ ეს არის ამის ტიტულები? სირცხვილია ბარსელონელი რო იყო.
ეს კაცი მაგარი დაუფასებელია💘2013-2014 წლების სეზონში რაც ამან ქნა ძაან იშვიათობაა ეგეთი რაღაც ნახევარმცველისგან