საფრანგეთმა და პოლონეთმა მოიგეს

დღევანდელი სანაკრებო თამაშები “ბარსელონელთათვის” წარმატებული გამოდგა.

საფრანგეთმა ირლანდია სტუმრად 1-0 დაამარცხა. ჟიულ კუნდემ მატჩი სათადარიგოთა სკამიდან დაიწყო და 81-ე წუთზე ბენჟამინ პავარი შეცვალა.

მინიმალური სხვაობით, 1-0 მოიგო პოლონეთმაც. ალბანეთთან შეხვედრაში რობერტ ლევანდოვსკი სასტარტო შემადგენლობაში იყო და მოედანზე 90 წუთი გაატარა.

ამით “ბარსელონელებისთვის” (გავის გარდა) მარტის სანაკრებო პაუზა დასრულდა, რაც ნიშნავს, რომ ფეხბურთელები “ბარსელონაში” დაბრუნდებიან და “ელჩესთან” მატჩისთვის მოემზადებიან.

აღსანიშნავია, რომ ლუის დე ლა ფუენტემ შოტლანდიასთან ხვალ გასამართი მატჩის განაცხადში ალექს ბალდე არ შეიყვანა. შესაბამისად, ის კატალონიაში დაბრუნდება.