ბარსელონა მზადაა მარტინესის გამოსასყიდი თანხა გადაიხადოს
"ბარსელონა" მზადაა ბელგიის ფეხბურთის ასოციაციას მთავარი მწვრთნელის, რობერტ მარტინესის გამოსასყიდი თანხა გადაუხადოს, მაგრამ ესპანელი სპეციალისტი კატალონიურ გუნდს ოქტომბრის სანაკრებო პაუზის დასრულებამდე ვერ ჩაიბარებს.
კატალონიური Sport-ის ჟურნალისტის, ტონი ხუანმარტის ინფორმაციით, რობერტ მარტინესის გამოსასყიდი თანხა 1.8 მილიონი ევროა. ესპანელი სპეციალისტი ჟოან ლაპორტას ფავორიტია და "ბარსელონა" მზადაა, ეს თანხა გადაიხადოს.
პრობლემას ის ქმნის, რომ მარტინესი არ აპირებს ნაკრები ერთა ლიგის დასრულებამდე დატოვოს. 7 ოქტომბერს ბელგია ამ ტურნირის ნახევარფინალში საფრანგეთს ხვდება, მოგების შემთხვევაში კი 10 ოქტომბერს ფინალში ითამაშებს. რობერტს სურს, რომ ამ შეხვედრებში გუნდის მთავარი მწვრთნელი სწორედ ის იყოს.
ოქტომბრის სანაკრებო პაუზამდე "ბარსელონას" 4 თამაშის გამართვა უწევს - "კადისთან", "ბენფიკასთან" და "ატლეტიკოსთან" სტუმრად და "ლევანტესთან" შინ. თუ "ბლაუგრანამ" არჩევანი საბოლოოდ სწორედ რობერტ მარტინესზე შეაჩერა, ამ 4 მატჩში გუნდს რონალდ კუმანი ან დროებითი მწვრთნელი გაუძღვება.
ამ სიახლეზე კომენტარები გათიშულია.
კომენტარები [ 11 ]