ნიდერლანდების ნაკრებმა მონტენეგრო 4-0 დაამარცხა (ვიდეო)

ცოტა ხნის წინ დასრულდა მსოფლიო ჩემპიონატის შესარჩევნი ეტაპის G ჯგუფის შეხვედრა ნიდერლანდებისა და მონტენეგროს ეროვნულ ნაკრებებს შორის, რომელიც მასპინძლებმა 4-0 მოიგეს.

მატჩის პირველი ორი გოლი "ბარსელონას" თავდამსხმელის, მემფის დეპაის ანგარიშზეა. 38-ე წუთზე მან თავისივე მოპოვებული პენალტი გამოიყენა, 62-ე წუთზე კი თავი კიდევ ერთხელ გამოიჩინა.  70-ე წუთზე თავისი გოლი ჯორჯინიო ვეინალდუმმაც გაიტანა. საბოლოო ანგარიში კი 76-ე წუთზე ულამაზესი დარტყმით კოდი გაკპომ დააფიქსირა.

ფრენკი დე იონგმა თამაში ძირითადი შემადგენლობიდან დაიწყო და მოედანზე 84 წუთი გაატარა.

G ჯგუფში 11 ქულით პირველ ადგილზე თურქეთის ნაკრებია, მეორე და მესამე ადგილებს ნიდერლანდები და ნორვეგია იკავებენ, რომელთაც 10-10 ქულა აქვთ, თუმცა "ნარინჯისფრების" გოლების შეფარდება უკეთესია. მესამე, მეოთხე და მეხუთე ადგილებს, შესაბამისად, მონტენეგრო (7ქულა), ლატვია (4 ქულა) და გიბრალტარი (0 ქულა) იკავებენ.

ნიდერლანდების ეროვნულ ნაკრებს შემდეგი შეხვედრა 7 სექტემბერს თურქეთის წინააღმდეგ ელის.

[media=https://youtu.be/UE3iXC4Cq4o]