ქალთა ჩემპიონთა ლიგაზე ბარსელონას მეტოქეები ცნობილია

დღეს შვეიცარიის ქალაქ ნიონში ქალთა ჩემპიონთა ლიგის 2022/23 წლების გათამაშების ჯგუფური ეტაპის წილისყრა გაიმართა.

ბოლო წლების ევროპის ერთ-ერთი საუკეთესო გუნდი “ბარსელონა” პირველ კალათში იყო განთესილი და კატალონიელებმა რთული ჯგუფი თავიდან აირიდეს. თუმცა D ჯგუფს ინტრიგა მაინც ახლავს.

“ბარსელონასთან” ჯგუფში მოხვდა გერმანიის ბუნდესლიგის მეორეადგილოსანი მიუნხენის “ბაიერნის” ქალთა გუნდი. “ბლაუგრანას” გერმანელებთან რევანში აქვს ასაღები, მაგრამ არა კაცების ფეხბურთის გამო. საქმე ისაა, რომ წინასასეზონო მზადების დროს “ბაიერნმა” “ბარსა” ამხანაგურ შეხვედრაში მოულოდნელად დაამარცხა.

ესპანური და გერმანული გუნდების გარდა D ჯგუფში მოხვდნენ შვედეთისა და პორტუგალიის საუკეთესო გუნდები, “როზენგარდი” და “ბენფიკა”.

სხვა ჯგუფები:

A ჯგუფი

• ჩელსი
• პსჟ
• რეალ მადრიდი
• ვლაზნია

B ჯგუფი

• ვოლფსბურგი
• სლავია
• სანქტ პოლტენი
• რომა

C ჯგუფი

• ლიონი
• არსენალი
• იუვენტუსი
• ციურიხი

ჯგუფური ეტაპი 19 ოქტომბერს დაიწყება და 22 დეკემბერს დასრულდება. ჯგუფებში საუკეთესო 2-2 გუნდი ასპარეზობას მეოთხედფინალში განაგრძობს.