ჩავი ერნანდესი სევილიასთან მატჩის წინ

“სევილიასთან” ძალიან რთული მატჩი გველის. ვიცი, მათ სტადიონზე მოგება რამდენად ძნელია.

ლოპეტეგი გუნდს კარგად წვრთნის და ვფიქრობ, მათი მიერ ნაჩვენები შედეგები უსამართლობაა – ანდალუსიელებს მეტი ქულის მოპოვება შეეძლოთ. ისინი ჩემპიონთა ლიგაზე არიან.

შევეცდებით, ჩვენი ფილოსოფიით ვითამაშოთ და ბურთი დავიჭიროთ.

სატრანსფერო ბაზარზე შესანიშნავად ვიმუშავეთ და ამ შემადგენლობით ყველაფერის მოსაგებად ვიბრძოლებთ.

ალბა გუნდის წევრია და მნიშვნელოვანი ფიგურა იქნება. მისი დონე, გამოცდილება და შრომა უნდა გამოვიყენოთ. მოხარული ვარ, რომ ჟორდი გვყავს. ის სათამაშო დროს მიიღებს.

გუნდის უდიდეს შრომას ძალიან ვაფასებ. დიდებული იქნებოდა, კიდევ 1 ფეხბურთელი დაგვემატებინა, მაგრამ ვერ ვიწუწუნებ.

პიკე კარგად ვარჯიშობს, განსაკუთრებით ამ კვირაში, და დარწმუნებული ვარ, დაგვეხმარება. ერთ ოჯახი უნდა ვიყოთ და ერთად ვიბრძოლოთ. მისი პირადი ცხოვრება? ვიმედოვნებ, ჟერარი ბედნიერია.

მემფისს 3 კვირის წინ ვესაუბრე. ის მონდომებული და ნამდვილი ლიდერია. დეპაის სათამაშო დრო თავისივე პერფორმანსზე იქნება დამოკიდებული.

ალბას წასვლაზე არასდროს მიფიქრია. მინდა, ის აქ იყოს. ბალდესა და ალონსოს სხვა პოზიციებზე თამაშიც შეუძლიათ. შანსს ყველა მიიღებს.

ყველა გადაწყვეტილება ტექნიკურია. გადაწყვეტილებები იმის მიხედვით უნდა მივიღო, რასაც ვარჯიშებზე ვხედავ. როცა პიკე ითამაშებს, ხალხი კუნდეზე და არაუხოზე მკითხავს.

რთულია, წასვლის დრო განსაზღვრო… ეს მეც გამოვცადე. შესაძლებლობა მქონდა, რომ “ბარსაში” 35 წლის ასაკშიც დავრჩენილოყავი, მაგრამ ვიგრძენი, რომ წასვლა უკეთესი იქნებოდა, რადგან კლუბისთვის 100%-ს ვეღარ გავიღებდი. ამას ყველა გამოცდის, რადგან აქ სამუდამოდ არავინაა.

ბელერინი, რომელიც აქ გაიზარდა და პროფესიონალიზმოთ გამოირჩევა, კლუბს კარგად იცნობს და დაგვეხმარება. ის დიდებული ფეხბურთელია და, მარკოსის მსგავსად, უნივერსალი გახლავთ. ორივე მათგანში დარწმუნებული ვარ. ფლანგის მცველების მოყვანა მსურდა.

იმედი გვაქვს, ალონსოს რეგისტრაცია დღეს, 00:00 საათამდე მოგვარდება. გვჯერა, რომ მას ჩემპიონთა ლიგაზე დავარეგისტრირებთ.

ობამეიანგის გამო დამწუხრებული ვარ. ის ძალიან დაგვეხმარება და ექსტრაორდინალური სტატისტიკა ჰქონდა. გარდა ამისა, ობა შესანიშნავი ადამიანია. პიერი ნამდვილი საგანძური იყო. ის მოგვენატრება.

გარსია უმაღლეს დონეზეა. 21 წლის ასაკში მას უკვე კაპიტნობა შეუძლია. ერიკი სასტარტოში მოსახვედრად სხვა არაფერი სჭირდება, 90 წუთის განმავლობაში ფოკუსირებულია.

ალემანიმ ბრწყინვალედ იმუშავა. ის თავს კომფორტულად გაგრძნობინებს. მატეუს მოლაპარაკებებში დიდი გამოცდილება აქვს. ჟორდი კრუიფი კი კლუბის ერთგულია. გეგმებზე მუდმივად ვსაუბრობთ.

კონკურენტუნარიანი გუნდი გვყავს და ახლა ეს უნდა დავამტკიცოთ. ამ სეზონში ჩვენი მიზანი ყველა შესაძლო ტიტულის მოგებაა.

პიანიჩი პროფესიონალია და ძალიან გვეხმარება. მისი სტილი განსაკუთრებულია.

მხოლოდ ის ფეხბურთელები ითამაშებენ, რომლებიც ფიზიკურად შესაბამის ფორმაში არიან.

კაპიტნები ძალიან გვეხმარებიან. ითამაშებენ თუ არა, მათი ძალისხმევა შეუდარებელია.

სასტარტო შემადგენლობას მატჩის ტაქტიკური ხედვის მიხედვით ვარჩევ.

როცა სეზონში მატჩების 50%-ზე ნაკლებს თამაშობ, უნდა მიხვდე, რომ წასვლის დროა. ეს პედრისაც კი შეეხება, როცა 34 წლის იქნება.

ვიცი, რომ ზეწოლის ქვეშ ვარ. როცა ვიგრძნობ, რომ კლუბისთვის პრობლემა ვარ, წავალ. მაგრამ, ახლა ამაზე საუბარი ადრეა – კარგად ვმუშაობთ და ბედნიერი ვარ. მომავალს ფეხბურთი და ბურთი გადაწყვეტს.

“ბარსელონაში” წნეხის ქვეშ მუშაობა ყოველდღიურობის ნაწილია. როცა იგებ, საუკეთესო ხარ, როცა აგებ – ქუჩაში ვერ გახვალ. თუმცა, ახლა ბედნიერი ვარ.

ბერნარდუ სილვა? ახლა მხოლოდ იმ ფეხბურთელებზე ვისაუბრებ, რომლებიც აქ არიან.

ყველა მოთამაშის გამო დამწუხრებული ვარ, რომლებმაც დაგვტოვეს. ისინი კარგად ვარჯიშობდნენ, დისციპლინით გამოირჩეოდნენ და პროფესიონალები იყვნენ.