მორიბას წარმომადგენლებთან მოლაპარაკებები კვლავ შეჩერდა
დღეს დილით, "ბარსელონასა" და ილაიშ მორიბას წარმომადგენლებს შორის შეხვედრა შედგა.
Mundo Deportivo-ს ჟურნალისტის, ფერან მარტინესის ინფორმაციით, კონტრაქტის გახანგრძლივებასთან დაკავშირებით მოლაპარაკებები კვლავ შეჩერდა. წყაროს ცნობით, მოგვიანებით ფეხბურთელის აგენტებმა მორიგი შეხვედრა მოითხოვეს.
ბოლო პერიოდში შეთანხმების მიღწევასთან დაკავშირებით ოპტიმიზმი შეინიშნებოდა, თუმცა დღევანდელი საუბრის შემდეგ, სიტუაცია კვლავ გართულდა.
MD წერს, რომ ყველაფრის მიუხედავად, "ბარსელონაში" მშვიდად არიან და იმედოვნებენ, რომ საბოლოოდ შეთანხმება შედგება, თუმცა მოლაპარაკებების ამდენ ხანს გაგრძელებით გაკვირვებას ვერ მალავენ.
აღსანიშნავია, რომ კლუბის წარმომადგენლები "ბარსას" გერმანიაში გაჰყვნენ. რა თქმა უნდა, ონლაინ კონტაქტიც შესაძლებელია, თუმცა პირისპირ შეხვედრა ყოველთვის უმჯობესია. საინტერესოა, როგორ განვითარდება მოვლენები.
ცნობისთვის, დღეს გავრცელებული ინფორმაციით, თუ შეთანხმება მიმდინარე კვირაში შედგება, მორიბა გერმანიაში გაემგზავრება და გუნდის დანარჩენ ფეხბურთელებს შეუერთდება.
ამ სიახლეზე კომენტარები გათიშულია.
კომენტარები [ 8 ]