“ბარსელონა” ახალი სეზონისთვის მზადებას განაგრძნობს – დღეს გუნდმა მაიამიში, “ინტერ მაიამის” ბაზაზე მესამე ვარჯიში ჩაატარა.
სესია ფორტ ლოდერდეილში, მაღალი ტემპერატურისა და ტენიანობის ფონზე გაიმართა. მასში მონაწილეობა განაცხადში მყოფმა ყველა ფეხბურთელმა მიიღო, გარდა ფერან ტორესისა, რომელიც ფეხის დაზიანების გამო ინდივიდუალურად ვარჯიშობს.
მირალემ პიანიჩმა გუნდთან ერთად, საფრანგეთში წასვლამდე, ბოლოჯერ ივარჯიშა – კლუბის ნებართვით, ის ნიცაში გაემგზავრება, რათა მეორე შვილის დაბადებას დაესწროს. სავარაუდოდ, ბოსნიელი აშშ-ში 21 ივლისს დაბრუნდება.
ფოტო ინტერ მაიამისთან
ვარჯიშის წინ, ფეხბურთელებმა დრო იხელთეს და “ინტერ მაიამის” შტაბთან ფოტო გადაიღეს. “ბარსა” ამ კლუბს 20 ივლისს დაუპირისპირდება.
ადგილობრივი დროით დღის მეორე ნახევარში, “დრაივ ფინქ სთედიუმზე” (სადაც ზემოხსენებული მატჩი გაიმართება) კიდევ ერთი სესიაა დაგეგმილი. მანამდე, სერჟიო ბუსკეტსი და ანდრეას კრისტენსენი პრესკონფერენციას გამართავენ.
მოკლედ ამაღამაა ხომ?
შვარნოლდ არცნეიგერია ტიპი😂
რაფინიას ლანგლეს მომავალზე ნათელი კბილები აქვს :დ
არაუხო 2 დღეში იშუშებს ხოლმე მაგ ტრამვებს,ტიპი მართლა ცხოველია.