პედრი და ანსუ – მომავლის დუეტი

2021/22 წლებში პედრი გონსალესმა და ანსუ ფატიმ, ტრავმების გამო, ერთად ბევრი მატჩი ვერ ჩაატარეს. აწ უკვე გასულ სეზონში ანსუმანემ მონაწილეობა მხოლოდ 15 მატჩში მიიღო, პედრიმ კი – 22-ში.

ორი სეზონის ჯამში მხოლოდ 13 მატჩი

სამწუხაროდ, ამ სეზონში ფატი და პედრი ერთად მოედანზე მხოლოდ ორჯერ ვიხილეთ. ორი სეზონის ჯამში კი მათ ერთამენთის მხარდამხარ, შესაძლო 107 შეხვედრიდან, მხოლოდ 13-ში ითამაშეს.

მიუხედავად ცოტა მატჩისა, ფატიმ და პედრიმ საკუთარი კვალი მაინც დატოვეს – ანსუმ სუპერ თასზე “რეალს” გაუტანა, პედრიმ კი კოპა დელ რეიზე “ბილბაოს” ანგარიში ბოლო წუთზე გაუთანაბრა.

2020/21 წლების სეზონში ახალგაზრდებმა ჩემპიონთა ლიგაზე “იუვენტუსისა” და “ფერენცვაროშის” წინააღმდეგ შესანიშნავად იასპარეზეს. აღსანიშნავია, რომ უნგრული კლუბის წინააღმდეგ თავის გამოჩენა ორივემ შეძლო და ეს პირველი შემთხვევა იყო, როცა ჩემპიონთა ლიგის 1 მატჩში ერთი გუნდის მაისურით გოლი ორმა არასრულწლოვანმა გაიტანა. 

პედრის კონტრაქტი 2026 წლამდეა გათვლილი, ანსუს ხელშეკრულება კი 2027 წლამდე აქვს გაფორმებული. შედაგად, მათ საკმარისი დრო აქვთ, რომ ერთად გაიბრწყინონ.

11 გოლი გასულ სეზონში

მიუხედავად იმისა, რომ ბევრი არცერთ მათგანს არ უთამაშია, ანსუსა და პედრის საკმაოდ პროდუქტიული სეზონი ჰქონდათ. ფატიმ 6 გოლის გატანა მოახერხა, პედრიმ კი მეტოქის კარი 5-ჯერ აიღო. ამასთან, გონსალესმა 1 ასისტიც მიითვალა. 

2 “ოქროს ბიჭუნა”

18 წლის ასაკში ფატი მსოფლიოს საუკეთესო ახალგაზრდა ფეხბურთელად დასახელდა. პედრიმ კი 2021 წელს Golden Boy-ს ჯილდო დაისაკუთრა და Kopa Trophy-საც (პრესტიჟული პრიზი, რომელიც წლის საუკეთესო ახალგაზრდა მოთამაშეს გადაეცემა) დაეუფლა. 

ამ წლის ბოლოს, Golden Boy-ს მოგება ორივე მათგანს შეეძლება.

25 დღე და 1 800 კილომეტრი

პედრი და ფატი მომავალში “ბარსას” უმნიშვნელოვანეს წევრებად მოიაზრებიან. საინტერესოა, რომ მათ შორის სხვაობა მხოლოდ 25 დღეა: ანსუ 2002 წლის 31 დეკემბერს, გვინეა-ბისაუში დაიბადა, პედრი კი ამ ქვეყანას 2002 წლის 25 ნოემბერს, 1 800 კილომეტრის მოშორებით, ტეგესტეში (ტენერიფეში) მოევლინა.

პედრი და ანსუ ერთი თაობის წარმომადგენლები არიან, რაც ნიშნავს, რომ მომავალში ისტორია ერთად უნდა დაწერონ.

წყარო: “ბარსელონას” ოფიციალური საიტი