ჰარი კეინმა ტოტენჰემს აცნობა, რომ კლუბის დატოვება სურს | Sky Sports News

Sky Sports News-ის ინფორმაციით, "ტოტენჰემის" თავდამსხმელმა, ჰარი კეინმა ლონდონურ კლუბს შეატყობინა, რომ მომავალი ზაფხულის სატრანსფერო ფანჯარაზე, გუნდიდან წასვლა სურს.

ამასთან, ადრე გავრცელებული ცნობებით, კატალონიის "ბარსელონა" შეტევის გასაძლიერებლად, ერლინგ ჰოლანდთან, სერხიო აგუეროსა და მემფის დეპაისთან ერთად, ინგლისელი ფეხბურთელის ვარიანტსაც განიხილავდა.

მიმდინარე სეზონში 27 წლის მოთამაშემ, რომელსაც "დეზებთან" კონტრაქტი 2024 წლამდე აკავშირებს, 47 მატჩში 32 გოლი და 16 ასისტი მიითვალა.