ექსკლუზიური ინტერვიუ ჟოზეპ მარია ბართომეუსთან

არა. ვიცი, რომ ეს ფრაზა ხშირად ისმის, მაგრამ ჩვენ მოღვაწეობა იყო ძალიან სერიოზული და წარმატებული, რომელიც 2010 წელს, სანდრო როსელთან ერთად, დავიწყეთ და რომელსაც ლა ლიგა, UEFA და აუდიტორებიც ადასტურებენ. ჩვენ Forbes მსოფლიოს ყველაზე ძვირადღირებულ კლუბად გვაფასებდა, ეს იყო დიდი შრომით შედგენილი პროექტისა და სტრატეგიული გეგმის დამსახურება, რომელიც 2015 წელს შემუშავდა.

ჩვენ არაერთი პროექტი განვახორციელეთ. 2020 წლის მარტისთვის, ყველაზე აქტიური ბორდი გვყავდა, მაგრამ შემდეგ პანდემიამ მნიშვნელოვანად დაგვაზარალა.

არ ვიცი, ამის შესახებ მათ უნდა ჰკითხოთ. არანაირი “ცუდი მენეჯმენტი” და “ცუდი მემკვიდრეობა” არ ყოფილა. კლუბის წევრებმა უნდა იცოდნენ, რომ უკანასკნელ წლებში ევროპული და მსოფლიო ფეხბურთის ლოკომოტივები დიდი კლუბები იყვნენ, მათ შორისაა “ბარსელონაც”, ამან კლუბის ზრდას ხელი შეუწყო. არ უნდა დავივიწყოთ “იუვე”, “ბაიერნი”, “მანჩესტერ იუნაიტედი”, “ჩელსი”. ასევე “პარი სენ-ჟერმენი” და “სიტი”, რომლებიც სახელმწიფოს საკუთრებაში არსებული კლუბები არიან. თუმცა ყველაზე დიდი როლი “ბარსელონასა” და “რეალს” ჰქონდათ. ის ფაქტი, რომ 2020 წელს ყველაზე ძვირადღირებული კლუბი ვიყავით კარგი მენეჯმენტისა და კარგი მემკვიდრეობის შედეგია, რომელიც მოქმედმა ბორდმა უნდა განავითაროს.

არა, ბიუჯეტი არ იზრდებოდა, იგი კლუბის შემოსავლების პარამეტრებს მიჰყვებოდა. შემოსავლების მართვას თავი ბრწყინვალედ გავართვით. ჩვენ გავხდით პირველი კლუბი, რომლის შემოსავალმაც ერთ მილიარდ ევროს მიაღწია. თუ გაქვს მეტი შემოსავალი, ფეხბურთელებიც უფრო მაღალ ხელფასს იღებენ. 2020 წლის მარტამდე, ვითარება კონტროლს ექვემდებარებოდა. ჩვენ ლა ლიგისა და UEFA-ს სახელფასო ლიმიტებს მაქსიმალურად ვიყენებდით, რათა, რაც შეიძლება, ძლიერი გუნდი გვყოლოდა. ტიტულებითა და ნაჩვენები თამაშით, “ბარსელონას” ფინანსურ წარმატებაში მონაწილეობას ფეხბურთელებიც იღებდნენ. 

დიახ, ეს წინადადება ერთ-ერთ ინგლისურ კლუბს (მანჩესტერ იუნაიტედი) ეკუთვნოდა, რაც კლუბის ეკონომიკური მდგომარეობას ძალიან წაადგებოდა, მაგრამ “ბარსაში” ყველაზე მნიშვნელოვანი სპორტული პროექტია.

ჩვენი მემკვიდრეობა არის ყოვლისმომცველი. 2010 წელს, ჩავიბარეთ კლუბი, რომელიც საფეხბურთო ინდუსტრიის ტოპ პოზიციებზე იმყოფებოდა, ახლა კი არაერთი სფეროს ლიდერი და ეტალონია.

ეკონომიკურ სფეროში, პანდემიის მიუხედავად, კლუბს მაინც საკმაოდ მაღალი შემოსავალი აქვს. სოციალურ სფეროში, ამ წლების განმავლობაში, უდიდესი შრომა ჩავდეთ, ჩვენი ფონდი 1.6 მილიონზე მეტი ბავშვის დახმარებას აგრძელებს. სანდრო როსელის პრეზიდენტობის დროს, ახალი “ლა მასიას” მშენებლობა დავასრულეთ, სპორტის სხვადასხვა სახეობებისთვის პავილიონები შევქმენით, “სიუტატ ესპორტივაზე” მიწა შევიძინეთ, “იოჰან კრუიფი” ავაშენეთ და “ესპაი ბარსას” პროექტი დავტოვეთ, რომელიც ახალმა ბორდმა უნდა განახორციელოს. 

ძალიან ბევრი. ჩვენი მმართველობის პერიოდში, მამაკაცთა გუნდმა 22 ტიტული მოიგო, რაც ძალიან კარგი შედეგია, მით უმეტეს, მაშინ, როდესაც ბოლო ორ სეზონში მხოლოდ ერთი სამეფო თასი გვაქვს მოგებული.

ქალთა გუნდის “ტრებლი” 2015 წლის “ტრებლს” შეუერთდა. ჩვენ ვართ ერთადერთი კლუბი, რომელსაც მსოფლიოს საუკეთესო გუნდი ჰყოლია როგორც მამაკაცთა, ასევე ქალთა კატეგორიაში.

“ლა მასია” სერიოზული კრიტიკის ობიექტი იყო, მაგრამ მუშაობის შედეგად, პირველ გუნდში უკვე ბევრი ფეხბურთელი მოხვდა – არაუხო, რიკი, მინგესა, გავი, ნიკო, პენია, კონრადი და ილაიშიც, რომლებმაც დაგვტოვეს. ისინი განვითარებას განაგრძნობენ და ჩვენ ძალიან ბედნიერები უნდა ვიყოთ. ასევე, წარმატებულები ვიყავით სპორტის სხვა სახეობებშიც. 

ეს არის ჩვენი მემკვიდრეობა, რომელსაც პანდემიამ თავისი დაღი დაასვა.

არ ვიცი, იქ არ ვარ და ვერ ვიტყვი რა იდეები აქვთ ან რას აკეთებენ. იყო ორი პროექტი, რომელთაც კლუბის ფინანსური მდგომარეობის გაუმჯობესება შეეძლოთ. ერთია Barca Corporate, რომლის აქციების 49%-იანი წილის 220 მილიონ ევროდ გაყიდვა იყო შესაძლებელი. 2021 წლის მარტში შემოთავაზება არსებობდა.

ასევე, არსებობს CVC-ის პროექტი, რომელიც ძალიან საინტერესოდ მიმაჩნია, რადგან 260 მილიონი ევროს შემოსავალი კლუბს არაერთი პროექტის წამოწყების საშუალებას მისცემდა, მაგრამ ბორდმა მასზე უარის თქმა გადაწყვიტა. ბოლო პერიოდში, წავიკითხე, რომ 2021/22 წლების სეზონისთვის ხელმძღვანელობა CVC-სთან დაკავშირებით პოზიციის შეცვლას განიხილავს და მე ეს ძალიან სწორ ნაბიჯად მიმაჩნია, რადგან პანდემიის შედეგად დაკარგული შემოსავლის ანაზღაურებას ძალიან სწრაფად შევძლებდით.

რა თქმა უნდა. პირობებს არ ვიცნობ, მაგრამ კლუბისთვის საუკეთესო გარიგებას მივიღებდი. იმის გათვალისწინებით, რომ სუპერ ლიგის პროექტი არ განვითარებულა, ამ გარიგებას კიდევ უფრო მეტი მნიშვნელობა ენიჭება.

ლა ლიგასთან კიდევ უფრო აქტიურად უნდა ვითანამშრომლოთ, რადგან, ყოველთვის ვაცხადებდი, რომ ჩვენი მთავარი კონკურენტი არის პრემიერ ლიგა, სადაც კლუბები მილიარდერების ან სხვადასხვა სახელმწიფოს საკუთრებაშია, ამ კლუბებს უფრო დიდი შემოსავლები აქვთ და ჩვენ მათთვის კონკურენციის გაწევა უნდა შევძლოთ.

ამ კითხვას უსვამთ ადამიანს, რომელიც 2020 წელს მისი დარჩენისთვის იბრძოდა. მე ყოველთვის ვფიქრობდი, რომ მისი აქ ყოფნა იყო აუცილებელი, რადგან ის არის მსოფლიოს საუკეთესო ფეხბურთელი და, ამავდროულად, კლუბისთვის მნიშვნელოვანი ფინანსური და ინსტიტუციონალური სარგებელი მოჰქონდა. მისი გაშვება შეცდომა იყო.

ეს მას უნდა ჰკითხოთ.

2019 წელს, ლა ლიგა მოვიგეთ. ლივერპულში რომ არ დავმარცხებულიყავით, ჩემპიონთა ლიგასაც მოვიგებდით. ეს იქნებოდა მორიგი “ტრებლი”. ჩვენ დავმარცხდით თამაშში, რომელშიც “ლივერპულისთვის” საერთოდ შანსიც კი არ უნდა მიგვეცა. შემდეგ იყო წაგებული თასის ფინალი, რომელსაც, გარდა იმისა, რომ რთულ ვითარებაში შევხვდით, არ გვყავდა ლუის სუარესი. ფეხბურთში თავდამსხმელის არყოფნა მნიშვნელოვანი დანაკლისია.

მას წასვლა სურდა, ამაზე ვისაუბრეთ და მე უარი ვუთხარი. ყოველთვის ვფიქრობდი, რომ მესი ჩვენი კლუბისთვის ძალიან მნიშვნელოვანი იყო და “ბარსა” მისთვის ძალიან მნიშვნელოვანი იყო. მისი წასვლა სერიოზულ პრობლემებს შექმნიდა, რაც ახლა მოხდა კიდეც.

მას ვუთხარი, რომ თუ ჩავისა და ინიესტას მსგავსად სურდა წასვლა, ყატარში, ჩინეთში ან შეერთებულ შტატებში, ამაზე მოლაპარაკება შეგვეძლო, მას გამოსამშვიდობებელ ცერემონიას მოვუწყობდით. მაგრამ მას კლუბი არჩეული არ ჰყავდა. ჩვენ მას განვუცხადეთ: “გვსურს, რომ ევროპაში “ბარსა” შენი ბოლო კლუბი იყოს. თუ სხვა კონტინენტზე გინდა გადასვლა, პრობლემა არაა”. მე მას ყოველთვის ვეკითხებოდი, თუ სად უნდოდა თამაში, მაგრამ მან ეს არ იცოდა.

არა, მაგრამ მისმა წასვლამ ბალანსი შეცვალა, რადგან სახელმწიფოს საკუთრებაში არსებულმა კლუბმა მისი კონტრაქტი 222 მილიონ ევროდ გამოისყიდა. ჩვენ ვშიშობდით, რომ მესის გამოსასყიდი თანხის (400 მილიონი ევრო) გადახდა სრულად შესაძლებელი იყო, ამიტომ ნოემბერში მასთან ხელშეკრულება გავახანგრძლივეთ და გამოსასყიდი თანხის ოდენობაც გავზარდეთ (700 მილიონი ევრო). ნეიმარის წასვლით გაჩენილი დანაკლისის შევსების მიზნით, დემბელე, კოუტინიო და სხვა ფეხბურთელები შევიძინეთ.

დემბელეს არ უმართლებდა. იგი დიდებული ფეხბურთელია და იმედი მაქვს, რომ ამ ტრავმის მოშუშების შემდეგ, მისი შესაძლებლობების ხილვას შევძლებთ. 2020 წელს, როდესაც ანსუს გაყიდვაზე უარი ვთქვით, იმავე კლუბმა დემბელეში იმაზე მეტი შემოგვთავაზა, ვიდრე 2017 წელს ჩვენ გადავიხადეთ, მაგრამ ჩვენ მას ვენდეთ.

და 2018 წელს კოუტინიო შევიძინეთ, რომელიც უკვე შემდგარი ფეხბურთელი იყო. არ ვიცი, რატომ, მაგრამ მან ისე ვერ ითამაშა, როგორც ჩვენ გვსურდა და როგორც იგი ამას პრემიერ ლიგასა და ეროვნულ ნაკრებში აკეთებდა. ვიმედოვნებ, რომ წელს იგი მისი დონის ჩვენებას შეძლებს.

კოუტინიოს დამატების იდეა სამწვრთნელო შტაბს ძალიან მოეწონა. ამაზე მუშაობა მაშინ დავიწყეთ, როდესაც ინიესტამ გვაცნობა, რომ “ბარსაში” უკანასკნელ სეზონს ატარებდა. ჩვენ ვეცადეთ იგი კიდევ ერთი წლით დარჩენაში დაგვერწმუნებინა, მაგრამ უშედეგოდ და მისი შემცვლელების ძიება დავიწყეთ. კოუტინიო უკვე ჩამოყალიბებული ფეხბურთელი იყო და დიახ, მესი, სუარესი და სხვები მიიჩნევდნენ, რომ კოუტინიო იქნებოდა ძალიან კარგი შენაძენი და იგი ინიესტას შეცვლას წარმატებით შეძლებდა.

ფეხბურთელებს გასახდელში აქვთ ძალაუფლება და შენ მათ უნდა მოუსმინო. ეს მხოლოდ “ბარსაში” არ ხდება. ჩვენ მათ აზრს ვითვალისწინებდით. ამ წლების განმავლობაში არაერთი ფეხბურთელი შევიძინეთ. გადაწყვეტილების მიღებისას, ზოგჯერ მათ რჩევას ვითვალისწინებდით, ზოგჯერ – არა.

არა, ეს მასაც ჰკითხეს. 2018 წელს, ინიესტას გამოსამშვიდობებელი ცერემონიის შემდეგ, ჩვენ არ გვისაუბრია.

მის შესახებ ბევრი რამ ითქვა. ვალვერდეს მოსვლის შემდეგ, სამწვრთნელო შტაბი მას აქტიურად აკვირდებოდა და მისი შეძენა გვინდოდა. იგი არის მსოფლიო დონის ვარსკვლავი, რომელიც “ბარსას” სათამაშო სტილს ერგება. მის ჰქონდა როგორც ცუდი, ასევე კარგი პერიოდები. ვფიქრობ, რომ მან ბევრი გოლი გაიტანა და ბევრი საგოლე გადაცემაც გააკეთა, მან გუნდი გააძლიერა. გარკვეულ მიზეზთა გამო, რომელთაც მე არ ვიცნობ, იგი “ატლეტიკოში” დაბრუნდა, მაგრამ 2020 წლის ოქტომბრამდე, ჩვენ მისი ასპარეზობით კმაყოფილნი ვიყავით და მომავალში კიდევ უფრო მეტის მოლოდინი გვქონდა, რადგან ის ახალგაზრდა იყო, რომელიც მას შემდეგ, რაც ვეტერანები კარიერას დაასრულებდნენ, გუნდში კიდევ უფრო მეტ პასუხიმგებლობას აიღებდა და კიდევ უფრო მეტი მნიშვნელობა მიენიჭებოდა. 

ყოველწლიურად, კლუბის შემოსავალი იზრდებოდა. სახელფასო ბიუჯეტის ზრდა, ლა ლიგისა და UEFA-ს რეგულაციების ფარგლებში, შემოსავლების ზრდასთან იყო დაკავშირებული, ეს ნორმალური მოვლენაა. ამას, “ბარსას” გარდა, არაერთი კლუბი აკეთებს. არავინ იცოდა, რომ 2020 წლის მარტში პანდემია დაიწყებოდა და შემოსავლები შემცირდებოდა, რაც სახელფასო ბიუჯეტის კლუბის შემოსავალთან მიმართებას 65%-დან 80%, 90% და 100%-მდე გაზრდიდა. ეს არის ისეთი რამ, რასაც არავინ ელის.

ბევრი ადამიანისთვის მითქვამს, რომ 2010 ან 2015 წელს პანდემიის შესახებ რომ მცოდნოდა, ჩვენი სტრატეგიული გეგმა განსახავებული იქნებოდა, მაგრამ ამის კონტროლი შეუძლებელია.

არა, საერთოდ, არა. ყოველთვის, ვამბობდი, რომ ჩემი და სანდრო როსელის პრეზიდენტობის დროს, დირექტორთა საბჭოს არცერთ წევრს არ მიუღია მონაწილეობა რაიმე კორუფციულ გარიგებაში, რადგან ჩვენ კლუბს ყველაზე ეფექტური და ეთიკური მეთოდებით ვმართავდით. დიახ, იყო შეცდომებიც, მაგრამ კლუბის ფული არავის მოუპარავს. ვფიქრობ, რომ ამას ეს აუდიტიც დაადასტურებს. პრეზიდენტ ლაპორტას ბორდის მოსვლის შემდეგ რამდენიმე თვე გავიდა, ისინი გამოძიებას აწარმოებენ, მაგრამ ჩვენ ეს არ გვაწუხებს. 

ასევე, მე ლაპორტას წერილი გავუგზავნე, სადაც წერია, რომ თუ რომელიმე პირის ან პირების მიერ განზრახ დაუდევრად ჩადენილი ქმედება გამოიხატა, ამ ადამიანის ან ადამიანების წინააღმდეგ მეც წავალ. 

საკომისიოები სატრანსფერო თანხის, დაახლოებით, 5%-ს შეადგენდნენ, გამონაკლის შემთხვევებში – 10%-ს. უმჯობესია, თუ კონკრეტულ სახელებსა და შემთხვევებს დაასახელებენ.