AS: დავიდ ალაბასთვის სატრანსფერო ომი გამოცხადდა

AS-ის ინფორმაციით, დავიდ ალაბას გადმოსაბირებლად ევროპული გრანდები სატრანსფერო ომს 2021 წლის ზაფხულში გააჩაღებენ.

ავსტრიელი მარცხენა მცველის გადმობირებას ერთბაშად 6 ევროპული გრანდი შეეცდება.

მადრიდის "რეალი", მანჩესტერული გუნდები, პსჟ და "ჩელსი", "ბარსელონასთან" ერთად ალაბასთვის იბრძოლებენ.

დავიდს მიუნხენის "ბაიერნთან" ახალი კონტრაქტი ჯერ არ გაუფორმებია, მას მეტი ხელფასი სურს, რაზეც "რეკორდმაისტერის" ხელმძღვანელობა თანახმა არაა. ალაბას გაშვება "ბაიერნისთვის" მტკივნეული პროცესი ნაკლებად უნდა იყოს. ლუკას ერნანდესი დაცვის ფლანგზე უკეთ გამოიყურება, ცენტრში ახლადფორმირეული პოზიცია კი ავსტრიელისთვის ხანგრძლივ პერსპექტივაში შეუსაბამო და დროებითია.