ოფიციალური ინფორმაცია ნეიმარის ტრავმაზე
გუშინ, "პარი სერნ-ჟერმენისა" და "ლიონის" შეხვედრის დროს, მასპინძელთა ბრაზილიელმა ვარსკვლავმა, ნეიმარმა ერთი შეხედვით ძალიან მძიმე ტრავმა მიიღო. შეჯახება ისეთი უხეში იყო, რომ გამოითქვა მოსაზრება, რომლის თანახმადაც, ბრაზილიელისთვის სეზონი დასრულდა. ნეიმარმა მოედანი საკაცით, აცრემლებულმა დატოვა.
დღეს, ჩემპიონთა ლიგის წილისყრამ "ბარსელონა" და "პარი სენ-ჟერმენი" ერთმანეთს შეახვედრა და მაშინვე მთავარ კითხვად იქცა, ითამაშებს თუ არა ნეიმარი ყოფილი გუნდის წინააღმდეგ.
რამდენიმე წუთის წინ პსჟ-მ ოფიციალური ინფორმაცია გაავრცელა. განცხადებაში ვკითულობთ, რომ 28 წლის ფეხბურთელის გამოკვლევის შედეგები დამაიმედებელია, თუმცა 48 საათში მას კიდევ ერთი გამოკლვლევა ჩაუტარდება.
როგორც ჩანს, ნეიმარის "ბარსელონას" წინააღმდეგ თამაშის შანსი იმაზე დიდია, ვიდრე ივარაუდებოდა.
"ბარსელონა" და პსჟ ერთმანეთს თებერვალსა და მარტში დაუპირისპირდებიან. თარიღები უახლოეს მომავალში დაზუსტდება.
ამ სიახლეზე კომენტარები გათიშულია.
კომენტარები [ 14 ]