წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 16 სექტემბერს მოხდა.
თამაშები
16 სექტემბერს “ბარსელონამ” 21 ოფიციალური თამაში ჩაატარა, საიდანაც კატალონიელებმა 10 მოიგეს, 5 ფრედ დაასრულეს და 6 წააგეს.
1996 წელი
12 წლის ანდრეს ინიესტა “ლა მასიას” შეუერთდა.
1998 წელი
ჩემპიონთა ლიგის ჯგუფურ ეტაპზე “მანჩესტერ იუნაიტედთან” სტუმრად გამართული შეხვედრა 3-3 დასრულდა. გოლები გიგზმა, სქოულზმა, ბექჰემმა, სონი ანდერსონმა, ჯოვანიმ და ლუის ენრიკემ გაიტანეს.
ამ მატჩში ჩემპიონთა ლიგაზე ჩავი ერნანდესის დებიუტი შედგა.
2007 წელი
ლა ლიგაში “ოსასუნასთან” უგოლოდ დასრულებულ შეხვედრაში “ბარსელონას” რიგებში ოფიციალური დებიუტი ჰქონდა ბოიან კრკიჩს, რომელიც ლა ლიგაში კლუბის ყველაზე ახალგაზრდა ფეხბურთელი გახდა. ბოიანმა მესის რეკორდი გააუმჯობესა.
2008 წელი
ჩემპიონთა ლიგაზე “სპორტინგთან” 3-1 მოგებულ შეხვედრაში კარლეს პუიოლმა “ბარსელონას” მაისურით მე-400 თამაში ჩაატარა.
2015 წელი
ჩემპიონთა ლიგის ჯგუფურ ეტაპზე “რომასთან” 1-1 თამაში ლეო მესისთვის ამ ტურნირზე მე-100 შეხვედრა გამოდგა.
ხო ქართველივით, ალბათ ბმვ იყიდა და დაიკიდა დანარჩენი.
ბოიან კრკიჩის როგორ მეიმედებოდა რაღაც სასწაული ბიჭი ჩანდა მარა ორი სეზონის მერე აუვარდა თავში
მეასე შეხვედრა ჩემპიონთა ლიგაზე