ბარსას მთლიანი ვალი მილიარდზე მეტს შეადგენს – ჟოან ლაპორტა

სიტუაციამ გვაიძულა, სტრატეგიული გეგმის შედგენაზე ვიმუშავოთ და აუდიტორებს და მევალეებს ვაჩვენოთ, რომ მზარდი კომპანია ვართ.

ეკონომიკური მდგომარეობა ძალიან საგანგაშო, დრამატულია. კლუბის მთლიანი დავალიანება 1 მილიარდ 350 მილიონ ევროს შეადგენს. უფრო დეტალურად – 673 მილიონი ბანკის ვალი; 389 მილიონი ფეხბურთელების ვალი, რომელიც მოიცავს გადავადებულ ხელფასებსა და სხვადასხვა ცვლადის საგადასახადო ვალდებულებებს, მაგალითად, ლოიალურობისა და კარიერული ბონუსების გადასახადს; 56 მილიონი Espai Barca-სთან დაკავშირებული ვალი; 96 მილიონი სასამართლოების ვალი; 40 მილიონი სეზონური ბილეთების ვალი; 79 მილიონი ლა ლიგის 50%-იანი სატელევიზიო უფლებების წინასწარი გადასახადი და სხვა კონცეფციები.