დეპაის სტატისტიკა რონალდ კუმანთან ერთად

ნიდერლანდელი ფეხბურთელის ტრანსფერის გაოფიციალურების შემდეგ რონალდ კუმანმა თქვა, რომ სწორედ ის ლობირებდა თანამემამულის “ბარსელონაში” გადმოსვლას.

მართლაც, 2018-2020 წლებში, იმ პერიოდში, როდესაც ბენილუქსელებს კუმანი წვრთნიდა, დეპაის შესანიშნავი შედეგი ჰქონდა. იმ დროს ნიდერლნადელთა მაისურით მემფისმა 18 შეხვედრა ჩაატარა და 23 გოლში მიიღო მონაწილეობა. მის აქტივში 11 გოლი და 12 ასისტი იყო.

აღნიშნულ 2-წლიან მონაკვეთში ის ყველაზე შედეგიანი იყო, მეორე ადგილზე 10 გოლით ჯორჯინიო ვეინალდუმი მოდიოდა.

ჩატარებული შეხვედრების მხრივ, მაშინ ჯერ კიდევ “ლიონის” თავდამსხმელი მეორე ადგილს იასპერ სილესენთან ერთად იყოფდა. პირველ ადგილზე რონალდ კუმანის გუნდში 20 თამაშით მატიას დე ლიხტი იყო.

5 დღის წინ “ბარსელონამ” მემფის დეპაი თავისუფალი აგენტის სტატუსით დაიმატა და მასთან 2-წლიანი კონტრაქტი გააფორმა. Mundo Deportivo-ს ინფორმაციით, მის გამოსასყიდ თანხად კონტრაქტში 500 მილიონი ევროა მითითებული. მიმდინარე ევროპის ჩემპიონატზე თავდამსხმელი მშენივრად გამოიყურება. მის ანგარიშზე 2-2 გოლი და ასისტია.