რეშაკი: თუ "ბარსას" სუარესისგან ფულის მიღება სურს, ეს ბოლო შანსია
"ბარსელონას" ყოფილმა ფეხბურთელმა, კარლეს რეშაკმა, კლუბში მიმდინარე ცვლილებებისა და ლუის სუარესის შესაძლო წასვლის შესახებ ისაუბრა.
"თუ "ბარსას" სუარესის სანაცვლოდ ფულის მიღება სურს, ეს ბოლო შანსია. ისტორიულად, "ბარსელონამ" არ იცის თუ როგორ გამოიყენოს დიდი ფეხბურთელები. "რეალმა" რონალდუს ტრანსფერისას კარგი სამუშაო გასწია".
რეშაკის აზრით, დღეს, "ბლაუგრანას" მთავარი მწვრთნელის პოსტზე რონალდ კუმანის დანიშნვა სწორი არჩევანია.
"გუნდს ძლიერი ხელი სჭირდება. ადრეც ვამბობდი, რომ სეტიენი ცდილობს კარგი ფეხბურთი ითამაშოს, მაგრამ "ბარსელონას" გასახდელში კომპლექსური სიტუაციაა.
გუნდში კუმანის ტიპის მწვრთნელი უნდა მოვიდეს, რომელიც ყველაფერს თავის ადგილს მიუჩენს", - თქვა რეშაკმა Cadena SER-თან ინტერვიუში.
გავრცელებული ინფორმაციით, ნიდერლანდელი სპეციალისტი "ბარსელონას" სათავეში უახლოეს დღეებში ჩაუდგება.
ამ სიახლეზე კომენტარები გათიშულია.
კომენტარები [ 8 ]