უეინ რუნი: "ბარსელონასთან" ასე თამაში თვითმკვლელობას უდრიდა

"მანჩესტერ იუნაიტედის" ყოფილმა სუპერვარსკვლავმა "ბარსელონასთან" წაგებული ჩემპიონთა ლიგის ფინალები გაიხსენა: თავის The Sunday Times-ის სვეტში უეინ რუნიმ სერ ალექს ფერგიუსონის მიდგომაზე ისაუბრა. 

"გუნდისთვის, როგორიც, მაგალითად, "რეალია", რთულია თქმა: "მოედანზე გავალთ და ბურთს დავთმობთ". ასევეა "იუნაიტედისთვისაც". 

გვარდიოლას "ბარსელონასთან" ლიგის ორი ფინალი ისე წავაგეთ, რომ ვცდილობდით, მაღალი პრესინგი გვეთამაშა და მეტოქისთვის ბურთი აგვერთმია. ეს თვითმკვლელობის ტოლფასი იყო. 

მახსოვს, როგორ ამბობდა ალექს ფერგიუსონი: "ჩვენ "მანჩესტერ იუნაიტედი" ვართ და ჩვენ შევუტევთ, ეს კლუბის კულტურის ნაწილია", მე კი ვფიქრობდი: "ამაში ასე დარწმუნებული არ ვარ".

ვფიქრობ, გულის სიღრმეში ყველა ფეხბურთელმა იცოდა, რომ ეს არასწორი მიდგომა იყო. ფაქტი იყო, რომ იმ გზიდან ვუხვევდით, რომელმაც 2008 წლის ნახევარფინალებში წარმატება მოგვიტანა. შედეგმაც არ დააყოვნა - ორივე შემთხვევაში დავიჯაბნეთ. 

ერთია, კლუბის ერთგული იყო, მატჩის შემდეგ იმაზე ფიქრი, რომ წააგე კი სხვა".

"ბლაუგრანამ" "წითელი ეშმაკები" 2009 წელს 2-0, 2011 წელს კი 3-1 დაამარცხა. "იუნაიტედი" ამის შემდეგ ფინალში აღარ ყოფილა, "ბარსამ" კი ტიტულის მოგება 2015 წელს კიდევ ერთხელ მოახერხა.