ბარსელონა-უესკა 4-1 – რონალდ კუმანი მატჩის შემდეგ

მესიმ კიდევ ერთხელ დაამტკიცა, რომ საუკეთესოა.

თერთმეტმეტრიანი? დღეს VAR არ გვქონია. რომ გვქონოდა, პენალტი არ დაინიშნებოდა. ყველამ დაინახა, რომ მარკ-ანდრე “უესკას” ფეხბურთელს არ შეხებია. არ ვიცი, ამის გამო როგორ უნდა დანიშნო თერთმეტმეტრიანი.

“ბარსელონას” ისტორიაში ჩატარებული მატჩების მიხედვით მესი ჩავის გაუთანაბრდა. მადლობელი ვარ, რომ ის ისევ ჩვენთანაა.

ბოლო დროს ბევრი რამ გამოვასწორეთ. უფრო ეფექტიანები ვართ, დაცვაში შეცდომებს მოვუკელით. უფრო თავდაჯერებულები ვართ.

ახალგაზრდები? მინგესა ძალიან კარგად პროგრესირებს. ის ხშირად თამაშობს და ამტკიცებს, რომ არაერთ პოზიციაზე თამაში შეუძლია. ასევე კარგია პედრი. თუმცა წარმატებაში ვეტერანებსაც დიდი წვლილი შეაქვთ.