ანსუ ფატის მკურნალი ექიმები გავრცელებულ ცნობებს უარყოფენ

გავრცელებული ინფორმაციით, 2 კვირის წინ, “ბარსელონას” 18 წლის ფეხბურთელს, ანსუ ფატის, ფარულად, მუხლზე მეორე ოპერაცია ჩაუტარდა.

Cadena COPE-ს ცნობით, ფატის მკურნალი ექიმები აღნიშნულ ცნობას უარყოფენ. მედიკოსთა ჯგუფის თქმით, რომელსაც რამონ კუგატი ხელმძღვანელობს, ფატის მუხლზე ქირურგიული ჩარევა არ განხორციელებულა და მას მხოლოდ “ბიოლოგიური მკურნალობა” ჩაუტარდა და თავს კარგად გრძნობს.

TV3-მა იუწყა, რომ ანსუს რეაბილიტაციის პროცესი წარუმატებლად მიმდინარეობს და შესაძლოა, მესამე ოპერაციის ჩატარება გახდეს საჭირო.