ვიქტორ ფონტი ფერნანდო ნავაროს “ბარსელონაში” დაბრუნებას აპირებს

კატალონიის “ბარსელონას” პრეზიდენტობის კანდიდატი, ვიქტორ ფონტი, წინასაარჩევნოდ, საკუთარ გუნდს ზრდის.

ESPORT3-ის ცნობით, მას კლუბის ყოფილი ფეხბურთელი, ფერნანდო ნავარო შეუერთდება. ნავარო “ლურჯ-ბროწეულისფერთა” აკადემიის აღზრდილია და ის ძირითადი გუნდის წევრი 2001-2006 წლებში იყო. ნავარომ ლა ლიგის ეგიდით 21 მატჩში გამართა, ხოლო ჯამში, მონაწილეობა 35 შეხვედრაში მიიღო.

ამჟამად ფერნანდო ნავარო “სევილიას” სპორტული დირექტორის, მონჩის მარჯვენა ხელია.

“ბლაუგრანას” საპრეზიდენტო არჩევნები 24 იანვარს გაიმართება. კანდიდატებმა მონაწილეობის მისაღებად ხელმოწერების შეგროვება უკვე დაიწყეს.