პაუ კუბარსის პრესკონფერენცია ნიუკასლთან თამაშის წინ

ძალიან მნიშვნელოვანი მატჩი გვაქვს. შემდეგ ეტაპზე ნებისმიერ შემთხვევაში უნდა გავიდეთ. სახლში ვთამაშობთ და ყველა გულშემატკივრის მხარდაჭერა გვექნება.

არჩევნები? როგორც ფეხბურთელი და სოსიო, ყველას აქვს თავისუფლება იმისა, რომ საკუთარი თავი ისე გამოხატოს, როგორც სურს. ჩემს ხმას ჩემთვის შევინახავ, ლაპორტას კი ვულოცავთ. მხოლოდ ხვალინდელ თამაშზე ვართ ფოკუსირებულები.

ფიზიკურად ძალიან კარგ ფორმაში ვართ. სეზონის დასაწყისში დაცვაში არსებული პრობლემების გამოსწორებას ვცდილობდით. ახლა მაღალ დონეზე ვთამაშობთ.

ყოველ 3 დღეში ვთამაშობთ და ბევრი თავისუფალი დრო არ გვაქვს, მაგრამ მენტალურად მოსამზადებლად დრო უნდა გამოვნახოთ ხოლმე. ხვალ, როგორ ყოველთვის, ბოლომდე ვიბრძოლებთ.

ახალგაზრდები ვართ და დიდი გამოცდილება არ გვაქვს, მაგრამ გვაქვს დიდი სურვილი, რომ ამ კლუბისთვის ყველაფერი გავაკეთოთ.

ჩემპიონთა ლიგაზე ყველა მატჩში საუკეთესოები თამაშობენ და ყოველთვის უმაღლესი დონის ფეხბურთელებს ხვდები. ჩემთვის პრობლემა არაა, უფრო სწრაფ თუ ფიზიკურად უფრო ძლიერ მოთამაშეს დავუპირისპირდები. საკუთარ თავზე ვარ ფოკუსირებული და იმაზე, როგორ შეიძლება საუკეთესო ვიყო.

კანსელუ? მისი დაბრუნებით ძალიან ბედნიერები ვართ. 3 წლის წინ, როდესაც პირველ გუნდს შევუერთდი, ის ადაპტაციაში ძალიან დამეხმარა. ჟოაუ ფანტასტიკური მოთამაშეა. კარგია, რომ მისნაირი უნივერსალური ფეხბურთელი გვყავს, რომელიც გვეხმარება. ის ნამდვილი “კულეა”.

მარტინი ბრწყინვალე სეზონს ატარებს. ის ხშირად ცენტრალურ მცველად თამაშობს და თავს კომფორტულად გრძნობს. ჟერარს, არაუხოს, გარსიასა და კრისტენსენს უმაღლეს დონეზე თამაში შეუძლიათ.

ჩავი ესპარტი და ალვარო კორტესი? მათ ვუთხარი, რომ მშვიდად იყვნენ, არ ინერვიულონ, თამაშის გარდა სხვა არაფერზე იფიქრონ და ოჯახის იმედი ჰქონდეთ. ადრე თუ გვიან, მათ შანსი მიეცემათ.

“ნიუკასლის” ინტენსივობა წარმოუდგენელია. ვიცოდით, ვის ვუპირისპირდებოდით პირველ მატჩში. დაცვაში ძალიან სოლიდურები ვიყავით, მაგრამ შეტევაში სისწრაფე გვაკლდა. სახლში სხვანაირად იქნება. საკუთარ თავზე ვართ ფოკუსირებულები და იმაზე, რისი გაუმჯობესება შეგვიძლია.