ლუის სუარესის გამოსამშვიდობებელი ცერემონია

“ბარსელონას” ოფიციალურ არხზე ლუის სუარესის გამოსამშვიდობებელი ცერემონია უკვე დაიწყო, რასაც პერიოდულად (განახლებებით) შემოგთავაზებთ: 

ჟოზეპ მარია ბართომეუ: “დილა მშვიდობის, დღეს მნიშვნელოვანი დღეა, ჩვენ ძალიან მნიშვნელოვან მოთამაშეს ვემშვიდობებით” 

ლუის სუარესი: “ყველაფერი ეს გაუთვალისწინებელია, არაფერი დამიგეგმავს. მე შემიძლია მხოლოდ მადლობა გადავუხადო კლუბს, იმ შეცდომის მიუხედავად ნდობისთვის, რომელიც აქ მოსვლამდე დავუშვი.” 

“მინდა გულშემატკივრებს მადლობა გადავუხადო სიყვარულისთვის, რაც ჩემამდე მოიტანეს, მათ ყოველთვის ეყოლებათ კულე.” 

ახლა საუბარი უბრალოდ მიჭირს, დიდი იმედი მაქვს, კლუბის ახალგაზრდა ფეხბურთელები თავიანთ შანსებს აუცილებლად გამოიყენებენ.

The first words of @LuisSuarez9. #9raciasLuis

WATCH LIVE on Barça TV+
▶️ https://t.co/v28AM27Zzq pic.twitter.com/IQCWdKDd3W

— FC Barcelona (@FCBarcelona) September 24, 2020

სუარესი: “ძალიან მომენატრება ჩემი მეგობრები, რომლებიც ყოველთვის მაბედნიერებდნენ.” 

“აქ მსოფლიოს რამდენიმე საუკეთესო ფეხბურთელთან ვთამაშობდი, მე ყოველთვის კულე ვიქნები, სადაც არ უნდა ვიყო.”

❝I'll always be one more #Culer❞
— Message from @LuisSuarez9 to the Barça fans. #9raciasLuis

WATCH LIVE on Barça TV+
▶️ https://t.co/v28AM27Zzq pic.twitter.com/b2Qgctr5jU

— FC Barcelona (@FCBarcelona) September 24, 2020

The dream come true is 'something I could never have even imagined.' #9raciasLuis

WATCH LIVE on Barça TV+
▶️ https://t.co/v28AM27Zzq pic.twitter.com/NBoenLLJ8i

— FC Barcelona (@FCBarcelona) September 24, 2020

სუარესი მესიზე: როდესაც მას წასვლის შესახებ ვაცნობე, ძალიან გაუკვირდა. ძალიან უცნაური იქნება, მაგრამ ჩვენ ერთმანეთს ურუგვაისა და არგენტინის ნაკრებებით დავუპირისპირდებით. ყველამ იცის ჩვენი ურთიერთობის შესახებ. როდესაც “ბარსელონაში” მოდიხართ თქვენ გეუბნებიან: “მესისთან ფრთხილად იყავი, ის განსხვავებულია.” თუმცა მასზე ბევრი რამ გამოგონილია.

“აქ გატარებული 6 წლით ნამდვილად ვამაყობ, ახლა კი მესმის, რომ წასვლის დრო მოვიდა, “ბარსელონას” ყველა მომენტისთვის მადლობას ვუხდი.” 

“კლუბიდან თავაწეული მივდივარ, ჩემს შესახებ ბევრ რამეს ამბობენ, რაც სიმართლეს არ შეესაბამება და ნამდვილად არ ვიმსახურებ.” 

რონალდ კუმანთან დაკავშირებით: “კუმანი? მე მის გადაწყვეტილებას დავთანხმდი და ამას მოველოდი კიდეც. მე ვაფასებდი მას და ვაგრძელებდი მისი ხელმძღვანელობით ვარჯიშს, სანამ ჩემი მომავალი არ გავარკვიე.” 

[media=https://twitter.com/i/status/1309086817245954051]

“ჩვენ ადამიანების გადაწყვეტილებას უნდა დავეთანხმოთ. როდესაც კლუბი ამბობს, რომ უნდა წახვიდე, ესე იგი, უნდა წახვიდე. და როდესაც მოთამაშეს კლუბის დატოვება სურს, კლუბმა მას ამის საშუალება უნდა მისცეს. 

მესიმ ძალიან კარგად იცის, რაზეც ვფიქრობ და მეც შესანიშნავად ვიცი თუ რაზე ფიქრობს ის. ჩვენ კარგი ურთიერთგაგება გაგვაჩნია, ჩემი წასვლა მესისთან ურთიერთობაზე გავლენას არ მოახდენს.”

“ბაიერნთან” მარცხზე: პირველივე დღიდან მაქსიმალურად ვიხარჯებოდი, ჩვენთვის მსგავსი შემთხვევა ადვილი გადასატანი არ ყოფილა. გულშემატკივარს რთულ მდგომარეობაში მხარდაჭერისთვის მადლობას ვუხდი.” 

“ატლეტიკოზე”: “ატლეტიკოს” ძალიან კონკურენტუნარიანი გუნდი ჰყავს და მსურს მათ დავეხმარო. რატომ “ატლეტიკო”? ამ გუნდის შესახებ ანტუან გრიზმანს, დიეგო გოდინსა და დიეგო სიმეონეს ვესაუბრე, ახლა კი ძალიან მოხარული ვარ იქ გადასვლით. ყველამ იცის, რომ “ბარსელონამ” ტრანსფერზე დამაყენა, მე ბევრი წინადადებები მქონდა, თუმცა საბოლოოდ “ატლეტიკო” ავირჩიე.”

“როგორც კლუბის მე-3 საუკეთესო ბომბარდირი, საკუთარი კვალი დავტოვე. მინდა ყველას მადლობა გადაგიხადოთ, ადვილი არ არის აქ მოსვლა და ოცნებების ახდენა. არასდროს მეგონა, რომ ეს მოხდებოდა. აქ ყოველთვის ბოლომდე უნდა იბრძოლო, რასაც მუდამ ვცდილობდი.”