უნდა დატოვოს თუ არა რიკი პუჩმა “ბარსელონა”?

ცოტა ხნის წინ პრესაში გავრცელდა ინფორმაცია, რომ “ბარსელონას” მთავარი მწვრთნელმა, რონალდ კუმანმა, რიკი პუჩს გუნდის დატოვება ურჩია. 

დიახ, საუბარია 21 წლის ტალანტზე, რომელსაც “ბარსელონას” დნმ აქვს. პუჩი კატალონიელების ერთ-ერთ ყველაზე იმედისმომცემ მოთამაშედ ითვლება, მას არაერთხელ უწინასწარმეტყველეს დიდი საფეხბურთო მომავალი. 

რიკი “ბლაუგრანას” აკადემიაში 2013 წელს ჩაირიცხა, 2018 წლიდან კი “ბარსელონა ბ-ს” წევრია, 2018/2019 და 2019/2020 სეზონებში ერნესტო ვალვერდესა და კიკე სეტიენის ხელმძღვანელობით, ახალგაზრდა ესპანელმა პირველი გუნდის მაისური 15-ჯერ მოირგო. 

“რიკი პუჩი ძალიან სწრაფად ამყარებს კავშირს სხვა მოთამაშეებთან, ტექნიკური თვალსაზრისით კი ის ძალიან კარგია. სწორედ ეს გახლავთ ახალი ფეხბურთი, რომელიც გუნდს სჭირდება.” – ბერნდ შუსტერი (2020).

“რიკი ნამდვილად აღფრთოვანებას იწვევს, მიუხედავად იმისა, რომ “ბარსელონას” მოთამაშეები ბავშვებივით გამოიყურებიან, მათი ბურთთან კონტაქტი ძალიან მაოცებს, ეს ფეხბურთის სილამაზეა, ეს გახლავთ პოეზია. რიკი პუჩის და სხვა მოთამაშეების შესახებ ცოტა ხნის წინ შევიტყვე, ისინი ამ სპორტს გრძნობენ.” – ჯენარო გატუზო (2018).

პუჩი შესანიშნავი კვალიფიკაციითა და თამაშის ხარისხით გამოირჩევა. კატალონიელს “ბარსას” დნმ აქვს, რასაც მის მოედანზე ყოფნისას ნებისმიერი პიროვნება დაინახავს. რიკიმ კარგად იცის, როგორ უნდა ითამაშის “ბლაუგრანამ”, – ფრენკი დე იონგი (2020).