ლუის სუარესი სეზარის რეკორდს უმიზნებს
"ბარსელონას" ურუგვაელი თავდამსხმელი ლუის სუარესი აცხადებს, რომ მისი მიზანი კატალონიური კლუბის ისტორიაში მე-2 საუკეთესო ბომბარდირობაა.
32 წლის ურუგვაელი, 190 გოლით, "ბლაუგრანას" ისტორიაში საუკეთესო ბომბარდირებში მე-4 პოზიციას იკავებს. მე-3 ადგილზე მყოფ ლადისლაო კუბალამდე მას 4 გოლი აშორებს, მე-2 ადგილზე მყოფ სეზარამდე 42 გოლი, ხოლო რეკორდსმენ მესიმდე - 428 გოლი.
"მე-2 ადგილი, რა თქმა უნდა, უფრო რთული მისაღწევია, ვიდრე მესამე, მაგრამ ამ შედეგს მაინც ვუმიზნებ. პირველი ადგილი მიუღწეველია, მაგრამ სეზარის მიღწევის გამეორება ძალიან მიმზიდველად მოსჩანს." - ციტირებს სუარესის სიტყვებს Sport.
ლუის სუარესის მოქმედ კონტრაქტს ვადა 2021 წელს გასდის. ფეხბურთელის მიერ ცოტა ხნის წინ გაკეთებული განცხადებიდან ირკვევა, რომ ის კლუბთან ახალი ხელშეკრულების გაფორმებაზე ფიქრობს. თუ ასე მოხდა, მაშინ მას სეზარის მიღწევის გამეორების რეალური შანსი ექნება.
ამ სიახლეზე კომენტარები გათიშულია.
კომენტარები [ 8 ]