გასულ დეკადაში ყველაზე ხშირად "ბარსელონა" იგებდა

საუკუნის მე-2 დეკადა დასასრულს უახლოვდება და სტატისტიკოსებმა გასული ათწლეულის შეჯამება დაიწყეს.

ერთ-ერთი მაჩვენებელი, რომელიც სტატისტიკოსთა ყურადღების ცენტრში მოექცა, გასული 10 წლის განმავლობაში მოგებული თამაშების რაოდენობაა.

გაირკვა, რომ ევროპის წამყვან 5 ჩემპიონატში, გასულ დეკადაში, ყველაზე ხშირად "ბარსელონა" იგებდა. კატალონიელებს 289 მოგება დაუგროვდათ.

მე-2 ადგილზე, 273 მოგებით, "რეალია". მადრიდელებს "იუვენტუსი" (260), "მანჩესტერ სიტი" (250) და "ბაიერნი" (240) მოსდევენ.

იმის გამო, რომ გერმანიაში 18 გუნდი თამაშობს, ხოლო სხვა ჩემპიონატებში 20-20, "ბაიერნმა", კონკურენტებთან შედარებით, 40 თამაშით ნაკლები ჩაატარა. თუმცა, მიუნხენელებს ყველა ეს თამაში რომც მოეგოთ, "ბარსელონას" მაინც ვერ აჯობებდნენ.